پرەزيدەنت • 04 مامىر، 2021

پرەزيدەنت ءۇندىستاننىڭ پرەمەر-مينيسترىنە جەدەلحات جولدادى

16 رەت كورسەتىلدى

جەدەلحاتتا قاسىم-جومارت توقاەۆ ءۇندىستاندا COVID-19 ىندەتىنىڭ قاتتى ورشۋىنە بايلانىستى قالىپتاسقان قيىن-قىستاۋ كەزەڭدە قازاقستان حالقى جانە جەكە ءوزى ءۇندى ەلىنىڭ قايعى-قاسىرەتىنە ورتاق ەكەنىن جەتكىزگەن.

مەملەكەت باسشىسى كوروناۆيرۋستىڭ شەكاراعا باعىنبايتىنىن، بۇكىل الەمگە تارالىپ، ادامدارعا كوپتەپ جۇعىپ جاتقانىن قىنجىلا اتاپ ءوتتى. ول ىندەتتەن قايتىس بولعان ادامداردىڭ وتباسىلارىنا كوڭىل ايتىپ، دەرتكە شالدىققانداردىڭ تەزىرەك ساۋىعىپ كەتۋىنە تىلەكتەستىك ءبىلدىردى.

– وسىنداي قيىن-قىستاۋ كەزەڭدە ءبىز ۇندىستاندىق دوستارىمىزبەن بىرگە پاندەميانى اۋىزدىقتاۋ ماقساتىندا كۇش بىرىكتىرۋگە جانە مەملەكەتتەرىمىز اراسىنداعى بەرىك دوستىق پەن ءوزارا قولداۋ اياسىندا قاجەتتى كومەك كورسەتۋگە دايىنبىز. ءۇندىستان ۇكىمەتى ءسىزدىڭ دانا باسشىلىعىڭىزبەن بۇل داعدارىستى ەڭسەرىپ، ەلدىڭ قالىپتى ومىرگە ورالۋىن قامتاماسىز ەتە الاتىنىنا كامىل سەنەمىن، – دەلىنگەن جەدەلحاتتا.

قاسىم-جومارت توقاەۆ نارەندرا موديگە ءۇندىستاننىڭ قازىرگى اۋىر سىناقتان سۇرىنبەي ءوتىپ، ەلىنىڭ ورنىقتى دامۋىنا جانە ودان ءارى ءوسىپ-وركەندەۋىنە تىلەكتەستىك ءبىلدىردى.

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

ۇقساس جاڭالىقتار