وقيعا • 04 مامىر، 2021

كۇش اتاسىن ارداقتادى

22 رەت كورسەتىلدى

ەلوردادا داڭقتى بالۋان قاجىمۇقان مۇڭايتپاس ۇلىنىڭ تۋعانىنا 150 جىل تولۋىنا وراي «كۇش اتاسى – قاجىمۇقان» اتتى تاقىرىپتا مۋزەي ساباعى ءوتتى.

مازمۇندى ءىس-شاراعا ەلىمىزدەگى سامبو فەدەراتسياسىنىڭ توراعاسى، قازاقستانعا ەڭبەك سىڭىرگەن جاتتىقتىرۋشى اسىلبەك كاكەنوۆ جانە باس شاھارداعى ق.مۇڭايتپاس ۇلى اتىنداعى وليمپيادا رەزەرۆىنىڭ رەسپۋب­ليكالىق مامانداندىرىلعان مەكتەپ-ينتەرنات كوللەدجى ديرەكتورىنىڭ تاربيە ءىسى جونىندەگى ورىنباسارى ارداق قاليەۆا جانە ۇلتتىق مۋزەيدىڭ قازاقستان تاريحى ءبولىمىنىڭ اعا عىلىمي قىزمەتكەرى سىرىم حاسەنوۆ جانە تاعى باسقا سپورتشىلار قاتىسىپ، وراسان كۇش يەسىنىڭ ءومىرى مەن ونەرى جايىندا كەڭىرەك ءسوز قوزعادى.

كوزى تىرىسىندە اتى اڭىزعا اينالعان تۇعىرلى تۇلعا تەڭدەسسىز ونەرىمەن 54 مەملەكەتتە كۇرەسكە ءتۇسىپ، 48 مەدال ولجالاعان. مۇنداي مىقتى بالۋان وتكەن عاسىردىڭ باسىندا تۇركى حالىقتارىنىڭ ىشىندە قازاقتان عانا شىققان. اسىرەسە الىپ ازامات 1910 جىلى العاش رەت وڭتۇستىك امەريكا قۇرلىعىنا تابانى ءتيىپ، ارگەنتينانىڭ استاناسى بۋەنوس-ايرەس قالاسىندا وتكەن ەركىن كۇرەستە امەريكا چەمپيونى اتاعىن جەڭىپ العانى عاجاپ.

كەزدەسۋ بارىسىندا قازاقستان رەسپۋب­ليكاسىنىڭ اۋىر اتلەتيكا فەدەراتسياسىنان حالىقارالىق سپورت شەبەرى، جاستار مەن ەرەسەكتەر اراسىنداعى ەل چەمپيونى التىنشاش ورازبەك پەن اۋىر اتلەتيكادان قازاقستان چەمپيونى، سپورت شەبەرىنە ۇمىتكەر ەدىگە ەمبەردى جينالعاندارعا وزدەرى ەڭبەكتەنىپ جۇرگەن سپورت سالاسى تۋرالى اڭگىمەلەپ بەردى. سونداي-اق ق.مۇڭايتپاسوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجىنىڭ جەتكىنشەكتەرى كاراتە-دو، دزيۋدو، گرەك-ريم، ەركىن كۇرەس سياقتى سپورت تۇرلەرىنەن ءوز ونەرلەرىن كورسەتسە، رەسپۋبليكالىق تۋرنيرلەردىڭ چەمپيونى، سپورت شەبەرىنە ۇمىتكەر دينا كۋزنەتسوۆا مەن حالىقارالىق تۋرنيرلەردىڭ جەڭىمپازى نۇراسىل جانىبەك قاجىمۇقان اتاسىنا ارناعان ولەڭدەرىن وقىدى.

تاعىلىمدى ساباق سوڭىندا كەشكە قاتى­سۋشىلار ۇلتتىق مۋزەيدىڭ قورىندا ساقتال­عان اتاقتى بالۋاننىڭ قۇجاتتارى مەن فوتو­سۋرەتتەرى، جەكە زاتتارىنان دايىندالعان كورمەنى تاماشالادى.

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

ۇقساس جاڭالىقتار