1951 جىلى جامبىل وبلىسىنىڭ بايزاق اۋدانىندا تۋىپ-وسكەن جاقسىلىق اعاىمىز ۋاقىت وزا قازاقستاننىڭ بەتكەۇستار بالۋانىنا اينالىپ, حالىقارالىق ارەنادا تولاعاي تابىستارعا قول جەتكىزدى. اتاپ ايتساق, اسا جەڭىل سالماقتا كسرو بىرىنشىلىگىن ەكى مارتە ۇتىپ (1975, 1980), ەكى رەتتەن كۇمىس (1978, 1979) جانە قولا (1973, 1977) مەدالداردى يەلەندى. كسرو حالىقتارى سپارتاكياداسىنىڭ باس جۇلدەسىن (1975) ولجالادى. ەۋروپا چەمپيوناتى (1980) مەن الەم كۋبوگىندا (1982) ەكىنشى ورىندى ەنشىلەدى. ماسكەۋ وليمپياداسىنىڭ جەڭىمپازى (1980) جانە الەم چەمپيونى (1981) اتاندى.
ۇشكەمپىروۆتىڭ ەل سپورتىنا سىڭىرگەن ەڭبەگى ەلەنىپ, ول كوپتەگەن مەملەكەتتىك ناگرادالارمەن ماراپاتتالدى. 2017 جىلى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ قولىنان «قازاقستاننىڭ ەڭبەك ەرى» اتاعىن الدى. ايتۋلى ازامات بىلتىرعى جىلدىڭ 2-تامىزىندا باقيلىق بولدى.
بيىل جاقسىلىق ۇشكەمپىروۆتى ەسكە تۇسىرۋگە ارنالعان تۋرنيردە گرۋزيا, رەسەي, وزبەكستان, قىرعىزستان, تاجىكستان جانە قازاقستاننىڭ بىرقاتار ايماعىنان كەلگەن اپايتوستەر كۇش سىناسادى.
كاراتەدەن پورتۋگاليانىڭ باس شاھارى – ليسسابوندا وتكەن پرەمەر-ليگا دوداسى ءوز مارەسىنە جەتتى.
