«شىعىس قازاقستان وبلىسى اكىمدىگىنىڭ مالىمەتىنشە, سەمەي قالاسىندا قاتتى تۇرمىستىق قالدىقتاردى باسقارۋ جۇيەسىن جاڭعىرتۋ جوباسى مەملەكەتتىك-جەكەشەلىك ارىپتەستىك اياسىندا ىسكە اسىرىلمايدى. قازىرگى كەزدە سەمەيدە 1998 جىلى سالىنعان, 69,11 گەكتار اۋماقتى الىپ جاتقان قاتتى تۇرمىستىق قالدىقتاردى كومەتىن پوليگون بار. ەۋروپالىق قايتا قۇرۋ جانە دامۋ بانكىمەن (ەققدب) ىنتىماقتاستىق اياسىندا اتالعان پوليگوندى جاڭعىرتۋ بويىنشا جوبانى جۇزەگە اسىرۋعا تالداۋ مەن زەرتتەۋ ءجۇرىپ جاتىر», دەپ جازدى ر.سليار دەپۋتاتتىق ساۋالعا بەرگەن جاۋابىندا.
وسى ورايدا ول 2018 جىلدىڭ 5 ماۋسىمىندا شقو اكىمدىگى ەققدب-مەن الدىن الا كەلىسىمدى بەكىتكەنىن ەسكە سالدى.
ونىڭ ايتۋىنشا, حالىقارالىق ستاندارتتارعا ساي كەلەتىن بىرلەسكەن جوبانى ىسكە اسىرۋ قاتتى تۇرمىستىق قالدىقتاردى كادەگە جاراتۋ پروبلەماسىن شەشىپ, بارلىق كەزەڭدەردە قالدىقتارعا قاتىستى جۇمىستاردىڭ جوعارى دەڭگەيىنە جەتۋگە مۇمكىندىك بەرەدى. وسىنىڭ ناتيجەسىندە سو2 (كومىرقىشقىل گازى) شىعىندىلارىن 40 پايىزدان استام ازايتادى.
