ايماقتار • 02 مامىر، 2021

ماڭعىستاۋ وبلىسىندا جۇك كولىگى گاز قۇبىرىنا سوعىلدى

73 رەت كورسەتىلدى

ماڭعىستاۋدا جۇك كولىگى گاز قۇبىرىن سوقتى، دەپ حابارلايدى Egemen.kz

وقيعا بۇگىن ساعات 12:50 شاماسىندا ماڭعىستاۋ اۋىلىنداعى «بەسشوقى» تۇرعىن ءۇي ورامىنا كىرەر جولدا بولعان. اۋىر تەحنيكا تيەگەن ارنايى جۇك تاسىمالداۋشى كولىك جوعارى قىسىمدى گاز قۇبىرىن سوعىپ، 7 مەتر قاشىقتىققا سۇيرەپ اكەتكەن.

اپاتتى وقيعادان زارداپ شەككەندەر جوق. اۋدان اكىمى راحات تەزەكباي ۇلى «بەسشوقىداعى» اۋىر جۇك كولىگىنىڭ گاز قۇبىرىنا سوقتىعىسقان اپات ورنىنا باردى. اۋداندىق توتەنشە جاعدايلار ءبولىمى، جەدەل-جاردەم، قازترانسگازايماق مەكەمەسى ءتيىستى شارالاردى قولداندى. قازىر گاز قۇبىرىن جوندەۋ جۇمىستارى ءجۇرىپ جاتىر.

اۋدان اكىمى قازترانسگازايماق مەكەمەسىنىڭ قىزمەتكەرلەرىنە 5 مىڭعا جۋىق وتباسى ەرتەڭگە دەيىن كوگىلدىر وتىنسىز وتىرا المايتىنىن ەسكەرتىپ، جوندەۋ جۇمىستارىن جەدەلدەتۋدى تاپسىردى.

 

سوڭعى جاڭالىقتار

ۇقساس جاڭالىقتار