«بيىل 100-دەن استام كوشەنى سالىپ, جوندەيمىز. وتكەن جىلداعىداي, قالانىڭ ەسكى بولىگى مەن ەلدى مەكەندەرگە باسا نازار اۋدارامىز.
بۇگىن بىرقاتار كوشەلەردەگى جول جۇمىستارىنىڭ بارىسىمەن تانىستىم. مىسالى, يۋ.مالاحوۆ كوشەسىندە (ر.دۇيسەنباەۆ كوشەسىنەن سۋسامىر كوشەسىنە دەيىن), كوسموناۆتوۆ كوشەسىندە (قابانباي باتىر داڭعىلىنان اراي كوشەسىنە دەيىن), م.تولەباەۆ كوشەسىندە (ب.مومىش ۇلى داڭعىلىنان ر.قوشقارباەۆ داڭعىلىنا دەيىن), م.گوركي كوشەسىندە (ج.جاباەۆ كوشەسىنەن ت.مۇساباەۆ كوشەسىنە دەيىن) جانە ت. ب. اعىمداعى جوندەۋ جۇمىستارى جۇرگىزىلىپ جاتىر. سونىمەن بىرگە تاعى 37 كوشەدە اعىمداعى جوندەۋ جۇمىستارى جۇرگىزىلدى. تسيرك عيماراتىنىڭ اينالاسىندا جولدىڭ ورتاشا جوندەۋى اياقتالدى. ول بويىنشا بىرنەشە رەت وتىنىشتەر كەلىپ ءتۇستى», دەپ جازدى قالا اكىمى.
ونىڭ ايتۋىنشا, وتكەن جىلى 170-تەن استام كوشەنى, سونىڭ ىشىندە قالانىڭ ەلدى مەكەندەرىندەگى كوشەلەر جوندەلدى. «جۇمىسپەن قامتۋدىڭ جول كارتاسى» باعدارلاماسى بويىنشا جوندەۋ جۇمىستارىن جۇرگىزۋ سالاسىندا 4 مىڭنان استام جۇمىسقا تارتىلدى.
