جۇرتتىڭ ءبارى مەرەكەلەپ, دەم الىپ جاتقاندا سىزدەر نە ىستەپ جاتىرسىزدار, دەگەن سۇراققا وسى اۋىلدىڭ بەلسەندى ازاماتى ەرلىك مۇحامەدجانوۆ اسار ادىسىمەن نامازحانا تۇرعىزىپ جاتقاندارىن ايتتى. «بيىلعى قىستا بولعان «مەنىڭ تۋىم - مەنىڭ وتانىم» دەگەن چەللەندجگە جينالعان ايماقتىڭ ءتۇرلى مەكەندەرىنەن كەلگەن جاستارىمىز اۋىلعا مەشىت تۇرعىزىپ بەرۋگە كەلىسكەنبىز جانە ونىڭ جۇمىسىن 1 مامىردان باستاۋعا ۋاعدالاسقان ەدىك. بىراق مەشىت سالۋدىڭ قازىر ءتۇرلى تالاپتارى بار ەكەن, ولاردى ورىنداۋعا ارتىق ۋاقىت كەتەدى, سوندىقتان ءبىز نامازحانا تۇرعىزايىق دەپ شەشتىك. مىنا جينالعان جاستار قازىر سول جۇمىسقا كىرىسىپ كەتكەندەرمىز», دەدى ول.
قۇرىلىس ماتەريالدارىن جەرگىلىكتى جشس مەن شارۋا قوجالىقتارى بەرىپتى. قول كۇشىنە اۋىلدىڭ سىرتتا جۇرگەن جاستارى مەن اۋىلدا تۇراتىندارى جۇمىلا كىرىسىپ جاتقانىن ءوز كوزىمىزبەن كوردىك. قۇرىلىس باسىندا ءبىز كەلگەندە 40-50 ادام قاتتى قيمىلداپ, جۇمىس ىستەپ جاتتى.
وسەر ەلدىڭ ءورىسىن تانىتقان بوستاندىقتارعا قاتتى ريزا بولدىق. ەرلىك پەن ديدار دەگەن ازاماتتاردىڭ باستاۋىمەن مۇندا ەلىمىزدىڭ وڭتۇستىگىنەن كوشىپ كەلۋشىلەرگە دە بەس ءۇي تۇرعىزىلعان. تاعى ءبىر-ەكەۋىنىڭ ىرگەتاسى قالانىپ قويىلىپتى. كوشىپ كەلۋشىلەر جانە ولاردىڭ قىستان قالاي شىققانى تۋرالى «ەگەمەننىڭ» جاقىنداعى نومىرلەرىنىڭ بىرىنەن ارناۋلى ماقالامىز دا شىعاتىن بولادى.
