«ونەركاسىپتى دامىتۋ قورى» اق جەڭىلدەتىلگەن ليزينگتىك باعدارلاماسىنىڭ جانە وبلىس اكىمدىگىنىڭ قولداۋىنىڭ ارقاسىندا 1-تاكسوكومبينات جاڭا تەحنيكا ساتىپ الدى. ءبىرىنشى كەزەكتە اۆتوبۋستار №01 جانە №30 باعىتتارعا جىبەرىلەدى. سودان كەيىن №№7, 013, 28, 31 باعىتتارىنا شىعارىلادى.
سىيىمدىلىعى 50 جولاۋشىنى قۇرايتىن اۆتوبۋستار بارلىق زاماناۋي تالاپتارعا جانە ەۆرو-5 ەكولوگيالىق ساناتىنا سايكەس كەلەدى. اۆتوبۋستار ارباداعى مۇگەدەكتەرگە ارنالعان پاندۋستارمەن جانە الاڭشالارمەن, بالالى جولاۋشىلارعا ارنالعان ورىندارمەن, سونداي-اق كونديتسيونەرلەرمەن جابدىقتالعان»,-دەيدى وبلىس اكىمى.
ونىڭ سوزىنشە, ماۋسىم ايىندا «رەيس» جم تاسىمالداۋشىسىنا 16 جاڭا اۆتوبۋس جانە ساران قالاسىنىڭ اۆتوپاركىنە 15 اۆتوبۋس جەتكىزىلەدى دەپ كۇتىلۋدە. سونداي-اق جەزقازعانعا 30 جاڭا اۆتوبۋس جەتكىزىلەدى. بۇعان قوسا, تەمىرتاۋعا سەمەيدەن 20 اۆتوبۋس اكەلىندى. الداعى ۋاقىتتا تاعى 55 اۆتوبۋستى جەتكىزۋ جوسپارلانۋدا.
«الداعى 2-3 جىل ىشىندە وبلىستىڭ بارلىق ءىرى قالالارىندا قوعامدىق كولىكتەر بارىنشا جاڭارتىلادى. سونىمەن قاتار, اۋدانارالىق جانە وبلىسىشىلىك رەيستەردى اۆتوبۋستارمەن جابدىقتايتىن بولامىز», دەدى جەڭىس قاسىمبەك.
