قاۋلىعا سايكەس, ءوڭىر بويىنشا اشىق جانە جابىق عيماراتتاردا سالتاناتتى شارالار مەن سپورتتىق سايىستاردى وتكىزۋگە تىيىم سالىنعان. كاراوكە-بارلار, بيليارد زالدارى, تۇنگى كلۋبتار, بۋكمەكەرلىك كەڭسەلەردىڭ جۇمىسى توقتاتىلادى.
مادەنيەت وبەكتىلەرىنىڭ, تەاترلار مەن كينوتەاترلاردىڭ جۇمىسىنا تىيىم سالىنعان. بالالار ويىن-ساۋىق ورتالىقتارى مەن ساۋىقتىرۋ لاگەرلەرى دە جۇمىس ىستەمەيدى. بۇدان بولەك جينالىستاردى بەتپە-بەت وتكىزۋگە رۇقسات بەرىلمەيدى.
«وبلىسارالىق, وبلىسىشىلىك, قالاارالىق جانە اۋدانارالىق اۆتوبۋس, شاعىن اۆتوبۋس جولاۋشىلار تاسىمالى توقتاتىلادى. كەزەكشى توپتاردى ساناماعاندا مەكتەپكە دەيىنگى مەكەمەلەردىڭ قىزمەتىنە تىيىم سالىنعان. دەمالىس كۇندەرى ازىق-ت ۇلىك جارمەڭكەسىن وتكىزۋگە بولمايدى. كۇشەيتىلگەن سانيتارلىق تالاپتاردى قاتاڭ ساقتاي وتىرىپ اشىق اۋاداعى اتتراكتسيونداردىڭ جۇمىسىنا رۇقسات بەرىلگەن», دەلىنگەن قاۋلىدا.
ەسكە سالا كەتەيىك, قازىر پاۆلودار وبلىسى «قىزىل ايماقتا» تۇر.
