«ەلوردانىڭ اباتتاندىرىلعان اۋداندارى مەن شەتكەرى ايماقتاردىڭ اراسىنداعى ايىرماشىلىقتى جويۋ ءۇشىن جۇيەلى جۇمىس جۇرگىزىپ جاتىرمىز. اۋقىمدى جۇمىس ورىنداۋ قاجەت: قاراپايىم ەلەكتر, سۋ, كارىز جۇيەلەرىنەن باستاپ, جەكە سەكتورعا گاز جۇرگىزۋ, الەۋمەتتىك نىساندار, جولدار سالۋعا, اباتتاندىرۋعا جانە گۇلزارلار اشۋعا دەيىن. وسى جۇمىستاردىڭ وزىنە بىرنەشە جىل قاجەت بولادى. بىرتىندەپ شەتكەرى ايماقتار ىڭعايلى شاعىن اۋداندارعا اينالماق. قالادا 16 ەلدى مەكەن بار. ەلوردانىڭ ءاربىر ءتورتىنشى تۇرعىنى ەلدى مەكەندە تۇرادى», دەپ جازدى اكىم.
ونىڭ ايتۋىنشا جەلەزنودوروجنىي ەلدى مەكەنىنىڭ تۇرعىندارى جولداردى اسفالتتاۋ, كوشەنى جارىقتاندىرۋ, قوسىمشا اۆتوبۋس مارشرۋتتارىن ىسكە قوسۋ, كارىزگە بايلانىستى ماسەلەلەردى كوتەرگەن. كەزدەسۋدە تۇرعىندارعا بولاشاق قوعامدىق كەڭىستىكتىڭ ەسكيزى كورسەتىلگەن.
«ەگەر جول جۇمىستارىنا توقتالاتىن بولساق, بيىل 100-دەن استام كوشە سالىپ, جوندەۋدى جوسپارلاپ وتىرمىز. سونىمەن قاتار بيىل 37 كوشەدە جوندەۋ جۇمىستارى جۇرگىزىلدى.
وتكەن جىلداعىداي, قالانىڭ ەسكى بولىگىنە, ەلدى مەكەندەرگە, قوزعالىس قارقىندىلىعى جوعارى الەۋمەتتىك نىساندار مەن كوشەلەرگە اپاراتىن جولدارعا باسا نازار اۋدارامىز.
وتكەن جىلى ەلدى مەكەندەردە 100-دەن استام, ال جالپى قالا بويىنشا 170-تەن استام كوشەگە اسفالت توسەدىك», دەلىنگەن جازبادا.
سونىمەن قاتار ەلباسىنىڭ اۋقىمدى جوباسى ىسكە اسىرىلادى, گاز جۇرگىزىلەدى. ەلدى مەكەندەردە 345 كم ورامىشىلىك گاز تاراتۋ جەلىلەرى سالىندى. جىلىتۋ ماۋسىمىندا (2020-2021 جج.) جەلەزنودوروجنىي, كوكتال-2, اگروقالاشىقتىڭ ءبىر بولىگىنىڭ تۇرعىندارى گازعا قوسىلۋ مۇمكىندىگىن الدى. جاڭا جىلىتۋ ماۋسىمىندا گازعا قوسىلۋ مۇمكىندىگىن وڭتۇستىك-شىعىس, پرومىشلەننىي, كوكتال-1, اگروقالاشىق ەلدى مەكەندەرىنىڭ تۇرعىندارى الادى.
سونىمەن قاتار ەلدى مەكەندەردە 13,5 كم ينجەنەرلىك جەلىلەر, 5 كم-دەن استام كارىز بەن سۋ قۇبىرى, 3 كم-دەن استام نوسەر كارىزى سالىندى.
«الداعى جىلدارى Nur Otan پارتياسىنىڭ سايلاۋالدى باعدارلاماسىنا سايكەس تاعى 130 كم سۋمەن جابدىقتاۋ جانە سۋ بۇرۋ جەلىلەرىن, 85 كم نوسەر كارىزىن, قوسالقى ستانسا مەن 177 كم ەلەكترمەن جابدىقتاۋ جەلىلەرىن, 23 كم جىلۋمەن جابدىقتاۋ جەلىلەرىن, 3 كەشەن نوسەر كارىزدەرىن تازارتۋ قۇرىلىستارىن سالامىز.
وتكەن جىلى 40 قوعامدىق كەڭىستىك: ساياباقتار, سكۆەرلەر, بۋلۆارلار جاڭادان اباتتاندىرىلدى. (كوكتال-1, كوكتال-2, اگروگورودوك, ينتەرناتسيونالنىي, ءوندىرىس جانە ت. ب.). قاراۋسىز قالعان جەرلەر قازىر جەرگىلىكتى تۇرعىنداردىڭ جاقسى كورەتىن ورىندارىنا اينالدى.
تاعى دا 50 ساياباق پەن سكۆەر قۇرۋ, 120 كم استام ۆەلوسيپەد جولدارىن سالۋ جانە ت. ب. جوسپاردا بار.
ەكى مەكتەپ سالىندى. مىسالى, ميچۋرينو ەلدى مەكەنىندە بۇرىن بىردە-ءبىر مەكتەپ بولعان جوق. بالالار بەيىمدەلگەن بولمەدە وقىدى. شەتكەرى ايماقتاردا تاعى 6 مەكتەپ سالۋ, بىرقاتار مەديتسينالىق ورتالىقتار اشۋ, الەۋمەتتىك قولجەتىمدى تۇرعىن ءۇي سالۋ جوسپاردا بار. ءوندىرىس, كوكتال, يلينكا, جەلەزنودوروجنىي ەلدى مەكەندەرىندە دەنە شىنىقتىرۋ-ساۋىقتىرۋ كەشەندەرىنىڭ قۇرىلىسىن جۇرگىزىپ جاتىرمىز. وندا سپورتپەن شۇعىلدانۋعا ارنالعان كابينەتتەردەن باسقا قارت ادامدارعا ارنالعان قىزىعۋشىلىق كلۋبتارى, حقكو, پوليتسيا پۋنكتتەرى, پوشتا بولىمشەلەرى جانە ت. ب. ورنالاسادى. ولاردى بيىل اشامىز.
وسىلايشا ءبىزدىڭ ماقساتىمىز – ەلوردانىڭ شەتكەرى ايماقتارىن جايلى شاعىن اۋداندارعا اينالدىرۋ. تۇرعىندارعا قاجەت بارلىق الەۋمەتتىك نىساندار, ءتيىستى ينفراقۇرىلىم مەن دەمالىس ورىندارى بار. وسى باعىتتاردىڭ بارلىعىن ەلوردامىز دامىپ كەلە جاتقان «نۇر-سۇلتان – جايلى قالا» ماستەر-جوسپارىنا ەنگىزدىك. تۇرعىن ءۇي الاپتارىن تۇراقتى تۇردە ارالايمىز, قالا تۇرعىندارىمەن ۇنەمى كەزدەسىپ وتىرامىز. شەتكەرى ايماقتاردى دامىتۋعا تۇرعىنداردىڭ وزدەرىن تىكەلەي تارتامىز.
مەملەكەت باسشىسى ەلدى مەكەندەردى دامىتۋعا ەرەكشە نازار اۋدارۋدى تاپسىردى», دەپ جازدى ەلوردا اكىمى.
