ەكونوميكالىق ىنتىماقتاستىقتىڭ كەشەندى باعدارلاماسى

تاراپتار ساۋدا-ەكونوميكا, كولىك-لوگيستيكا, ەنەرگەتيكا, گەو­لوگيا سالالارىنداعى, سونداي-اق ونەركاسىپتىك كووپەراتسيا, اوك, ترانسشەكارالىق وزەن­دەردىڭ سۋ رەسۋرستارىن ۇتىم­دى پايدالانۋ جانە قورعاۋ سالا­لارىنداعى ەكىجاقتى ىنتىماق­تاستىقتى ودان ءارى دامىتۋ ماسە­لەلەرىن تالقىلادى. ەۋرا­زيا­لىق ەكونوميكالىق وداق فور­ماتىنداعى ءوزارا ءىس-قيمىلدىڭ وزەكتى ماسەلەلەرى قارالدى.

COVID-19 تارالۋىنا قارسى كۇرەس جانە ەكى ەل­دىڭ ەكونوميكالارى ءۇشىن پان­دە­­ميانىڭ سالدارىن جويۋ جو­نىن­دەگى بىرلەسكەن شارالارعا ەرەكشە نازار اۋدارىلدى.

كەلىسسوزدەر قورىتىندىسى بويىنشا ەكى ەلدىڭ ۇكىمەت باس­شىلارىنىڭ قاتىسۋىمەن بىرقاتار قۇجاتقا قول قويىلدى. اتاپ ايت­قاندا, قازاقستان مەن رەسەي ۇكى­مەتتەرى اراسىنداعى 2021-2025 جىلدارعا ارنال­عان ەكونوميكالىق ىنتىماق­تاس­تىقتىڭ كەشەندى باعدارلاماسى; «قاز­گەو­لوگيا» اق مەن «روسگەو­لوگيا» اق اراسىنداعى قازاق­ستان مەن رەسەي جانە شەت مەم­لە­كەت­­تەردىڭ اۋماقتارىنداعى پاي­دالى قاز­بالار كەن ورىندارىن گەو­لوگيالىق زەرتتەۋ سالاسىنداعى ىنتىماقتاستىق تۋرالى كەلىسىم; قازاقستان اۋماعىندا كومىرسۋتەگى كەن ورىندارىن يگەرۋ جانە گەو­لوگيالىق بارلاۋ بويىنشا بىرلەسكەن قىزمەت سالاسىنداعى جوبالاردى ىسكە اسىرۋ نيەتى تۋرالى كەلىسىم; «قازاقستاندا بۋتاديەن جانە تۋىندى ونىمدەر ءوندىرىسى» جوباسىن ىسكە اسىرۋدىڭ جول كارتاسى; «بۋتاديەن» جوباسىن باسقارۋ ماسەلەلەرى جونىندەگى شەكتى شارت; «KIDF Management company» Ltd, رەسەي تىكەلەي ينۆەستيتسيالار قورى (رتيق) جانە «Mubadala Investment Company» اراسىنداعى ءوزارا تۇسىنىستىك تۋرالى مەموراندۋم; قاتتى پايدالى قازبالار بويىنشا يۋنيورلىق كومپانيالاردىڭ ەۋرازيالىق بيرجاسىن قۇرۋ تۋرالى مەموراندۋم.

قازاقستان پرەمەر-ءمينيسترى ا.مامين قازان قالاسىنا جۇمىس ساپارى اياسىندا ەۋرازيالىق ۇكىمەتارالىق كەڭەس وتىرىسىنا قاتىستى.