سونداي-اق سوعىسقا قاتىسۋشىلار مەن مۇگەدەكتەرىنە تەڭەستىرىلگەن 214 تۇلعاعا بىرجولعى ماتەريالدىق تولەم قاراستىرىلعان.
جالپى وبلىس بويىنشا 6808 ارداگەرگە جەڭىس مەرەكەسىنىڭ قۇرمەتىنە ءبىر رەتتىك ماتەريالدىق كومەك تولەۋ ءۇشىن اۋداندىق, قالالىق بيۋدجەت ەسەبىنەن 233,2 ملن تەڭگە قارجى ءبولىندى. تولەمدەر 4 مامىرعا دەيىن تولىق اياقتالادى. ونىڭ ىشىندە: 28 ۇلى وتان سوعىسىنا قاتىسۋشىلارى مەن مۇگەدەكتەرىنە – 1 ملن تەڭگەدەن, 6722 تىل ەڭبەككەرلەرى مەن قازا بولعان جاۋىنگەردىڭ جەسىرلەرىنە – 30 000, 55 بلوكادالىق لەنينگرادتىڭ تۇرعىنىنا, سوعىستا قايتىس بولعانداردىڭ جەسىرلەرىنە – 60 000, 3 كامەلەتكە تولماعان بۇرىنعى تۇتقىندارعا, ۇوسق, ۇوسم تەڭەستىرىلگەن باسقا دا ساناتتارعا – 100 000 تەڭگەدەن بەلگىلەندى. سوعىس ارداگەرلەرىنىڭ بەينەسىمەن بيلبوردتار ورناتىلادى. سونىمەن قاتار بارلىق اۋدان, قالالاردا وبلىس اكىمىنىڭ تاپسىرماسىنا سايكەس سوعىس ارداگەرلەرىنىڭ ۇيلەرىنە بارىپ, قۇتتىقتاۋ شارالارى جۇرگىزىلەدى.
وبلىس بويىنشا سوعىس ارداگەرلەرى تۇرعىن ۇيمەن تولىق قامتاماسىز ەتىلگەن. ساۋىقتىرۋ شارالارىن جۇرگىزۋ ماقساتىندا دەنساۋلىق ساقتاۋ سالاسى تاراپىنان 28 ارداگەردىڭ ۇيىنە بارىپ, قاجەتتى مەديتسينالىق قىزمەت كورسەتىلىپ, ديسپانسەرلىك تەكسەرۋدەن وتكىزىلدى. جىل سايىن اعا بۋىن وكىلدەرىن ساۋىقتىرۋ ماقساتىندا 7,8 مىڭ جەكەلەگەن ساناتتاعى ازاماتتار دەمالىپ, ەمدەلەدى. بۇگىندە الەۋمەتتىك قاشىقتىقتىڭ ساقتالۋىنا بايلانىستى 7800 ورىنعا ارداگەرلەردىڭ 50%-ى, ياعني 3900 زەينەتكەر دەنساۋلىعىن تۇزەتۋگە مۇمكىندىك الۋدا.
