ءىس-شارانى قازاقستاننىڭ ازاماتتىق اليانسى ۇيىمداستىردى.
كەزدەسۋ بارىسىندا قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازيەۆا بارلىق پروبلەمالىق سۇراقتاردى وڭىرلەردەگى اكىم ورىنباسارلارىنىڭ ەسەپتەرىن تىڭداي وتىرىپ, ۇەۇ-مەن ءوزارا ءىس-قيمىل جونىندەگى ۇيلەستىرۋ كەڭەسىنىڭ تالقىلاۋىنا شىعارۋدى ۇسىندى. سونداي-اق, ول تالقىلانعان ماسەلەلەردىڭ شەشىمى قازاقستان تاۋەلسىزدىگىنىڭ 30 جىلدىعى اياسىندا وتكىزىلۋى جوسپارلانعان قازاقستاننىڭ X ازاماتتىق فورۋمى اياسىندا قارالاتىنىن اتاپ ءوتتى.
ءوز كەزەگىندە, قر اقدم ازاماتتىق قوعام ىستەرى كوميتەتى توراعاسىنىڭ ورىنباسارى گۇلبارا سۇلتانوۆا مينيسترلىكتىڭ قوعامدىق باقىلاۋ, قايىرىمدىلىق جانە ۆولونتەرلىك قىزمەت, گرانتتىق ساياسات تەتىكتەرىن جەتىلدىرۋ جانە ت. ب. سالالارداعى زاڭنامالىق باستامالارى بويىنشا جۇرگىزىپ جاتقان جۇمىسى تۋرالى ايتىپ بەردى.
قازاقستاننىڭ ازاماتتىق اليانسى كوشباسشىلارى وڭىرلەردەگى پروبلەمالىق ماسەلەلەردى بەلگىلەدى. ولار مەملەكەتتىك ورگانداردىڭ ۇەۇ-مەن ءوزارا ءىس-قيمىلىنىڭ جەتكىلىكسىز دەڭگەيى, جۇرتشىلىق پەن ۇەۇ پىكىرىن ەسكەرمەي مەملەكەتتىك الەۋمەتتىك تاپسىرىس تاقىرىبىن قالىپتاستىرۋ, «امبەباپ» جارعىلارى بار باسقا وڭىرلەردەن ۇەۇ مەملەكەتتىك الەۋمەتتىك تاپسىرىسىنا قاتىسۋ جانە ت. ب.
ايتا كەتەيىك, ءىس-شارا 10 جىل بۇرىن قوستاناي وبلىسىنىڭ ازاماتتىق اليانسىنا سەنىمگەرلىك باسقارۋعا بەرىلگەن ۇەۇ وبلىستىق ۇيىندە ءوتتى.
