اپات تۋرالى الەۋمەتتىك جەلىلەردىڭ بىرىندە جاريالاندى.
«28 ساۋىردە ساعات 20:15-تە «گاز-3302-288» ماركالى اۆتوكولىكتىڭ 22 جاستاعى جۇرگىزۋشىسى قوناەۆ كوشەسىمەن تۇران داڭعىلىنا قاراي بارا جاتىپ, جول بەلگىسىن ەلەمەي, كولىك قۇرالىنىڭ ولشەمدەرىن ەسكەرمەستەن توننەل قابىرعاسىنىڭ قاپتاما تاقتاسىن قاعىپ كەتتى. اپاتتان زارداپ شەككەندەر جوق», دەپ حابارلادى ەلوردالىق پوليتسەيلەر.
جۇرگىزۋشىگە قر اقبتك-ءنىڭ 610-بابى بويىنشا اكىمشىلىك ءىس قوزعالدى.
«ماتەريال بويىنشا پروتسەستىك شەشىمدى نۇر-سۇلتان قالاسىنىڭ مامانداندىرىلعان اۋدانارالىق سوتى قابىلدايدى. ەلوردالىق پوليتسيا دەپارتامەنتى جۇرگىزۋشىلەرگە جول قوزعالىسىنىڭ بارلىق بەلگىسى مەن ەرەجەسىن قاتاڭ ساقتاۋدى ەسكەرتەدى », دەدى ۆەدومستۆو وكىلدەرى.
ايتا كەتەيىك, بۇل كوپىردىڭ استىندا بۇعان دەيىن دە اپاتتار بولعان. وتكەن جىلدىڭ قازانىندا جۇك كولىگى جاياۋ جۇرگىنشىلەر كوپىرىنىڭ استىنداعى جولعا سىيماي, كولىككە زاقىم كەلتىرگەن ەدى. ودان بولەك وتكەن جىلدىڭ 26-تامىزىندا «استانا وپەرا» تەاترىنىڭ ماڭىنداعى جاياۋ جۇرگىنشىلەر كوپىرىنە جەدەل جاردەم كولىگى سوقتىعىسقان بولاتىن.
