«سلاۆيان بازارى» ءان بايقاۋىندا ديماش العاش رەت قازىلىق ەتكەلى وتىرعان جوق, 2018 جىلى دا بەلارۋس ەلىندە وتەتىن «سلاۆيان بازارى» ءان بايقاۋىندا تورەلىك ەتكەن. ال 2015 جىلى ءوزى سول بايقاۋعا قاتىسىپ, گران-پري جەڭىپ العان بولاتىن.
«سلاۆيان بازارىنا» قاتىسۋ ءۇشىن ۇلتتىق ىرىكتەۋدى ءبىزدىڭ ەلىمىزدەن قازاقستاننىڭ حالىق ءارتىسى روزا رىمباەۆا مەن ديماش قۇدايبەرگەن جۇرگىزەدى. بۇل ۆيتەبسكىدەگى بايقاۋدىڭ فينالىندا ديماش قازىلار القاسىنىڭ قۇرامىندا بولعان.
«ديماش جۋرناليستەرگە بەرگەن سۇحباتىندا «سلاۆيان بازارى» ءان بايقاۋىنا قاتىسقاننان كەيىن باسقا ەلدەرگە تانىلا باستاعانىن, سونداي-اق ءانشى رەتىندە ءبىراز وسۋىنە دە جول اشقانىن ايتتى. بيىل ديماش قازاقستان وكىلى رەتىندە ەسترادالىق ءان ورىنداۋشىلارى بايقاۋىندا قاتىسۋشىلارعا باعا بەرەدى», دەپ حابارلايدى بايقاۋ ۇيىمداستىرۋشىلارى.
بيىل «سلاۆيان بازارى» ءان بايقاۋى ۆيتەبسكىدە 14-19 شىلدە ارالىعىندا وتەدى.
