ايتا كەتەيىك, 2020 جىلدىڭ تامىز ايىندا باسقارما جەتەكشىسى قايىپوۆ جوعارىدا ايتىلعان كەلىسىمگە كەدەرگىسىز قول قويىپ, اتقارىلعان جۇمىستاردى قابىلداپ, مەديتسينالىق جابدىقتاردى كەدەرگىسىز قابىلداعانى ءۇشىن جالپى سومانىڭ 10 پايىزىن ياعني 7,8 ميلليون تەڭگەنى تالاپ ەتكەن. بيىل قاڭتار ايىندا ورال قالالىق سوتىندا باسقارمانىڭ ەكس-باسشىسىنا قاتىستى ءىس قايتا قارالدى. ونىمەن بىرگە سوتتالۋشىلار ورىندىعىندا ونىڭ سەرىكتەسى سەرىك تۇراليەۆ بولدى.
الايدا پروكۋرور ءىستى تەرگەۋگە قايتارۋ كەرەك دەپ ءوتىنىش ءبىلدىردى. سەبەبى تەرگەۋ قىلمىستىق ىسكە قاتىسى بار تاعى ءبىر تۇلعا – ايدوس سەبەپوۆ پايدا بولدى. ايىپتالۋشىلاردىڭ ايتۋىنشا, ولار ونىڭ نۇسقاۋى بويىنشا ارەكەت ەتكەن. بۇعان دەيىن دە بولاتبەك كايۋپوۆ پەن سەرىك تۇراليەۆتىڭ ءوزى سوت تالقىلاۋى كەزىندە ول تۋرالى بىرنەشە رەت ايتقان. كۋاگەر بۋلەكوۆا سوتتالۋشىلاردىڭ ءسوز راس ەكەنىن, سەبەبى سەرىك تۇراليەۆتىڭ ءوزىن باستاپقىدا سول «ايدوستىڭ» اتىنان كەلگەنىن تىلگە تيەك ەتتى. سوت وتىرىسىندا سۋديا اسقار يسمايلوۆ ءوتىنىشتى قاناعاتتاندىردى.
بەلگىلى بولعانداي, 27 ساۋىردە اتالعان ءىس ەكىنشى رەت سوتقا بەرىلگەن. بۇل جولى سوتتالۋشىلار ورىندىعىندا ەكى ادام ەمەس, ءۇش ادام بولادى. ولار: بولاتبەك كايۋپوۆ, سەرىك تۇراليەۆ جانە ايدوس سەبەپوۆ. كەلەسى سوت سۋديا نايلي ءجۇنىسوۆانىڭ توراعالىعىمەن قارالاتىن بولادى.
