قازاقستان ۇلتتىق وليمپيادالىق كوميتەتىنىڭ باس اسسامبلەياسىنىڭ كەزەكتەن تىس وتىرىسى سىرتتاي ءوتتى. ۇيىمنىڭ جوعارى باسقارۋ ورگانى بىرقاتار ماسەلەلەردى قاراستىردى.
كۇن تارتىبىندەگى باستى ماسەلەلەردىڭ ءبىرى - قازاقستان ۇوك-تىڭ حالىقارالىق ىنتىماقتاستىق جونىندەگى ۆيتسە-پرەزيدەنتىن سايلاۋ بولدى.
جينالىس مۇشەلەرىنىڭ ءبىراۋىزدان قولداۋىمەن قازاقستان ۇوك اتقارۋ كوميتەتىنىڭ قازىرگى مۇشەسى ءۇمىت شاياحمەتوۆانىڭ كانديداتۋراسى ۆيتسە-پرەزيدەنت لاۋازىمىنا 2024 جىلعا دەيىن قىزمەت ەتۋ مەرزىمىمەن بەكىتىلدى. وسىلايشا, ول ەلىمىزدىڭ وليمپيادالىق كوميتەتىنىڭ تۇڭعىش ايەل ۆيتسە-پرەزيدەنتى بولىپ تاعايىندالدى.
«بۇگىن باس اسسامبلەيا ءۇمىت بولاتحانقىزى شاياحمەتوۆانى جەتەكشى ورىنداردىڭ بىرىنە ماقۇلداپ, وتە ماڭىزدى شەشىم قابىلدادى. ينكليۋزيا, ىنتىماقتاستىق, ارتۇرلىلىك جانە گەندەرلىك تەڭدىك - حالىقارالىق وليمپيادالىق قوزعالىستى دامىتۋدىڭ نەگىزگى باسىمدىقتارىنىڭ ءبىرى. ءبىز بارلىق دەڭگەيدەگى ايەلدەردىڭ سپورتتاعى جەتىستىكتەرىن كوتەرمەلەۋگە جانە قولداۋعا نيەت بىلدىرەمىز جانە ۇلتتىق فەدەراتسيالاردى وسى باعىتتا بەلسەندى جۇمىس ىستەۋگە شاقىرامىز. بۇگىنگى تاڭدا وليمپيادالىق سپورت تۇرلەرى بويىنشا ۇلتتىق قۇرامالارىمىزداعى ايەل سپورتشىلاردىڭ سانى 46% قۇرايدى. ۇوك اكىمشىلىگىنىڭ 59%-ى ايەلدەر, سونىڭ ىشىندە باسىم بولىگى باسشىلىق لاۋازىمداردا», دەدى قازاقستان ۇلتتىق وليمپيادالىق كوميتەتىنىڭ پرەزيدەنتى تيمۋر ق ۇلىباەۆ.
