ء«بىزدى يادرولىق قارۋعا قارسى كۇرەستە كوشباسشى ەل دەپ سانايدى. اتاپ ايتقاندا, باسقا ەلدەرمەن بىرلەسە وتىرىپ ينتەگراتسيالىق جوبالارعا باستاماشىلىق ەتىپ, جۇزەگە اسىردىق. ياعني ەاەو, اوسشك, تۇركىتىلدەس مەملەكەتتەردىڭ ىنتىماقتاستىق كەڭەسى, الەمدىك جانە ءداستۇرلى دىندەر كوشباسشىلارىنىڭ سەزى سەكىلدى جوبالار قامتىلدى. بۇل بىرلەستىكتەر مەنىڭ قاتىسۋىممەن ءارى ۇسىنىستارىم ارقىلى قۇرىلدى. وسى ورايدا ماعان قولداۋ بىلدەرگەن ارىپتەستەرىمە العىسىمدى بىلدەرەمىن», دەدى ەلباسى.
قحا توراعاسىنىڭ ايتۋىنشا, اتالعان جوبالار حالىقتاردىڭ يگىلىگى ءۇشىن قىزمەت ەتىپ كەلەدى.
«كوپۆەكتورلى سىرتقى ساياسات ءبىزدى ىنتىماقتاستىق پەن الەمدەگى بەيبىتشىلىكتى قامتاماسىز ەتۋگە باعىتتالعان بەيبىتشىل ۇلت رەتىندە كورسەتتى. بىزگە الەم ەلدەرى سەنىممەن قارايدى, سونداي-اق ءبىزدى مەملەكەتتەر اراسىنداعى قاقتىعىستار مەن كەلىسپەۋشىلىكتەر كەزىندە تابىستىرۋشى, بىتىمگەر بولۋعا شاقىرادى. قازاقستان, ءبىزدىڭ ەلوردامىز سەنىمگەرلىكتىڭ الاڭىنا اينالدى, بۇل جەردە وسىنداي ماڭىزدى كەلىسسوزدەر ءوتىپ كەلەدى», - دەدى نۇرسۇلتان نازارباەۆ.
