2020 جىلدىڭ جەلتوقسانىندا «جاڭا جاعدايداعى ەكونوميكالىق دامۋ: قازاقستاندا شاعىن جانە ورتا كاسىپكەرلىكتى قولداۋ جانە دامىتۋ سالاسىنداعى مەملەكەتتىك ساياساتتى جانە قۇقىقتىق رەتتەۋدى جەتىلدىرۋ» تاقىرىبىندا وتكەن پارلامەنتتىك تىڭداۋ بارىسىندا شوب-تى قولداۋ جونىندە بىرقاتار ماڭىزدى ۇسىنىمدار ازىرلەنگەن بولاتىن.
سەناتورلار ۇسىنىستارىنىڭ ىشىندە - شاعىن جانە ورتا بيزنەستى نەسيەمەن قامتۋدى كەڭەيتۋ جونىندەگى شارالار ازىرلەۋ بولدى. دەپۋتاتتار وعان قول جەتكىزۋ ءۇشىن نەسيە بەرۋ شارتتارىن جۇمسارتىپ, كاسىپكەرلەرگە نەسيەنى وتەۋ ءتارتىبى مەن كەستەسىن وڭتايلاندىرۋدى ۇسىنعان بولاتىن.
ۇلتتىق ەكونوميكا ءمينيسترىنىڭ ورىنباسارى الىبەك قۋانتىروۆ اتقارعان جۇمىستاردىڭ ناتيجەسىن تانىستىردى. ول ءوز بايانداماسىندا شوب مەملەكەتتىك قولداۋ شارالارىنا تالداۋ جۇرگىزىلگەنىن جانە ولاردى ماڭىز بەرۋ جونىندە ۇسىنىستار ازىرلەنگەنىن حاباردار ەتتى. سونداي-اق ەكونوميكانىڭ زارداپ شەككەن سالالارىنداعى شاعىن جانە ورتا بيزنەس سۋبەكتىلەرىنە كەيبىر سالىقتاردى تولەۋدى كەيىنگە قالدىرۋ ءتارتىبىن ەنگىزۋ مۇمكىندىگى قارالىپ جاتقانى ايتىلدى.
يندۋستريالىق دامۋ كوميتەتىنىڭ توراعاسى مارات قاراباەۆ سەناتورلارعا وسى ۇسىنىستاردى ىسكە اسىرۋ قورىتىندىلارى تۋرالى باياندادى. ول بۇگىندە مەملەكەتتىك قولداۋ شارالارىن جۇزەگە اسىرۋدىڭ جاڭا ادىستەرى ازىرلەنگەنىن, سونداي-اق ىنتالاندىرۋ شارالارى كوزدەلىپ وتىرعانىن ايتتى. ولاردىڭ ىشىندە سىياقى مولشەرلەمەسىن سۋبسيديالاۋ, اۋماقتىق كلاستەرلەردى قولداۋ جانە ونەركاسىپتىك گرانتتاردى ەنگىزۋ بار. بۇل نورمالار قازىر پارلامەنتتە قارالىپ جاتقان «ونەركاسىپتىك ساياسات تۋرالى» زاڭ جوباسىندا بەلگىلەنىپ وتىر.
قارجى, ساۋدا جانە ينتەگراتسيا مينيسترلىكتەرىنىڭ, سونداي-اق «اتامەكەن» ۇكپ وكىلدەرى دە اتقارىلعان جۇمىستار تۋرالى ايتىپ بەردى. سەناتتىڭ سالالىق كوميتەتىنىڭ توراعاسى داۋرەن ادىلبەكوۆ دەپۋتاتتاردىڭ ۇسىنىستارى ىسكە اسىپ جاتقانىن, دەگەنمەن, اسىرەسە پاندەميا كەزىندە شوب ءۇشىن نەسيەنى وتەۋ كەستەسىن جەڭىلدەتۋگە قاتىستى ءالى دە شەشىلمەگەن ماسەلەلەر بار ەكەنىن اتاپ ءوتتى. سەناتورلار وسى ماسەلەلەردىڭ ءبارىن ەرەكشە باقىلاۋدا ۇستاۋعا نيەتتەنىپ وتىر.
