اۆتوبۋس جۇرگىزۋشىلەرىنىڭ بۇلاي نارازىلىق بىلىدىرۋىنە 4 ايدان بەرى جالاقىلارىن الا الماۋى سەبەپ بولعان. جولاۋشى تاسىمالىمەن اينالىساتىن ەكى كومپانيانىڭ قىزمەتكەرلەرى جالاقىلارىن بۇعان دەيىن دە بىرنەشە رەت تالاپ ەتكەن, الايدا كومپانيا باسشىلىعى قۇرعاق ۋادەمەن الداپ كەلگەن. تەلەارنا ءتىلشىسىنىڭ مالىمەتىنشە, ەڭبەكاقىدان قاعىلعان 100-گە تارتا جۇرگىزۋشى اقشالارىن الا الماي الەك. ال اكىمدىكتەگىلەر جۇمىسشىلارىن جالاقىسىز قالدىرعان قوس سەرىكتەستىك الدىندا بەرەشەگىمىز جوق دەپ سەندىرەدى.
«الماتى وبلىسى بويىنشا ەڭبەك ينسپەكتسياسى باسقارماسى, تالدىقورعان قالاسىنىڭ پروكۋراتۋراسى وكىلدەرىنىڭ جانە ەكى كاسىپورىن باسشىلىعى قاتىسقان كەڭس وتكىزىلدى. وتىرىس قورىتىندىسى بويىنشا, كاسىپورىنداردىڭ قىزمەتىن تەكسەرۋ جونىندە شەشىم قابىلداندى», دەدى تالدىقورعان قالاسى اكىمىنىڭ ءباسپاسوز وكىلى نۇر قانات ۇلى.
