سۋرەتتى تۇسىرگەن ج.قۇسپانوۆ
بۇگىنگى جالپى وتىرىستا دەپۋتاتتاردىڭ باستاماسىمەن ازىرلەنگەن الەۋمەتتىك كاسىپكەرلىكتى دامىتۋ ماسەلەلەر تۋرالى زاڭ جوباسى I وقىلىمدا ماقۇلداندى.
قۇجاتقا سايكەس, سۋبەكتىنى الەۋمەتتىك كاسىپكەرلەر تىزىلىمىنە ەنگىزۋ تۋرالى شەشىمدى وڭىرلىك كوميسسيا قابىلدايتىن بولادى. ونىڭ قۇرامىنا كىمدەر كىرەتىنىن جانە ونىڭ جۇمىسىنىڭ اشىقتىعىن قامتاماسىز ەتۋ قالاي جوسپارلانىپ وتىرعانىن دەپۋتاتتار نازارعا الدى.
«قانداي كوميسسيا, قانداي كاسىپكەر بولسا دا ول جەرگىلىكتى حالىقتان ارتىق بىلمەيدى. سوندىقتان, بۇل كوميسسياعا قوعامدىق وكىلدەردىڭ كىرگەنى دۇرىس» – دەدى ءماجىلىس توراعاسى.
پالاتا سپيكەرىنىڭ ايتۋىنشا, زاڭ جوباسى «الەۋمەتتىك كاسىپكەرلىك» ۇعىمىن, بيزنەس سۋبەكتىلەرىن كاسىپكەرلىكتىڭ وسى تۇرىنە جاتقىزۋ ساناتتارىن انىقتاپ, الەۋمەتتىك كاسىپكەر كومەكتەسەتىن نەمەسە ونىڭ كاسىپورنىنىڭ شتاتىندا بولۋى ءتيىس حالىقتىڭ الەۋمەتتىك وسال توپتارىنىڭ تىزبەسىن ناقتىلايدى.
نۇرلان نىعماتۋليننىڭ پىكىرىنشە, وسىنىڭ ءبارى بيزنەستىڭ الەۋمەتتىك ماڭىزدى باعىتىن دامىتۋعا ماقساتتى مەملەكەتتىك قولداۋ كورسەتۋگە مۇمكىندىك بەرەدى.
جالپى وتىرىس بارىسىندا ءماجىلىس توراعاسى وڭىرلىك كوميسسيا تىزىلىمگە ەنگىزۋ ءۇشىن الەۋمەتتىك كاسىپكەرلەردىڭ وتىنىمدەرىن جينايتىنىن ايتىپ, وسى تىزىلىمدە تۇرعان كاسىپكەرلەردىڭ قوسىمشا ەكى ءتۇرى بويىنشا سالىق جەڭىلدىكتەرى بولاتىنىنا (بۇل م ۇلىك سالىعىن تومەندەتۋ, سونداي-اق سالىق سالىناتىن كىرىستى ازايتۋ) توقتالدى.
جالپى زاڭ جوباسىندا الەۋمەتتىك كاسىپكەرلىكتىڭ ۇعىمدارى مەن نەگىزگى مىندەتتەرىن بەكىتۋ, قانداي دا ءبىر ۇيىمدى الەۋمەتتىك كاسىپكەرلىك سۋبەكتىلەرىنە جانە الەۋمەتتىك كاسىپكەرلىك سۋبەكتىلەرىنىڭ قىزمەتى باعىتتالعان حالىق ساناتتارىنا جاتقىزۋ ولشەمشارتتارىن ايقىنداۋ كوزدەلەدى.
