جاقىندا پوليگون ءبىر اپتادان اسا ۋاقىت بويى ورتەنگەن ەدى. جەرگىلىكتى اكىمدىكتىڭ مالىمەتىنشە, سول ءورت قايتا تۇتانعان. وبلىستىق تجد 1200 شارشى مەتر الاڭ جانىپ كەتكەنىن ايتادى. ۇيىلگەن قوقىس بيىكتىگى 3 مەترگە جەتەدى. ءورتتى سوندىرۋگە جانعىش ماتەريالدىڭ كوپتىگى قيىندىق تۋدىرعان.
«25 ساۋىردە پوليگون قايتادان تۇتانىپ, ءالى كۇنگە دەيىن جانىپ جاتىر. وقيعا بويىنشا تەرگەۋ امالدارى جۇرگىزىلۋدە. قازىرگى ۋاقىتتا جاعداي تۇراقتى, ادامداردىڭ ءومىرى مەن قورشاعان ورتاعا قاۋىپ جوق. ءورتىڭ تاراۋ قاۋپى جوق», دەدى دوسكەي اۋىلىنىڭ اكىمى ەربولات توقمىرزا.
دوسكەي اۋىلى ماڭىنداعى تۇرمىستىق قاتتى قالدىقتار پوليگونىندا ءورت شىققانى 19 ساۋىردە حابارلانعان بولاتىن. اۋىل تۇرعىندارى ەلدى مەكەندەگى يىسكە شاعىمدانىپ, پوليگوندى جابۋدى تالاپ ەتكەن ەدى. ولار پوليگوننان ءجيى ءورت شىعاتىنىن ايتتى.
