ايماقتار • 26 ءساۋىر، 2021

اسكەري بولىمگە 28 جىل

115 رەت كورسەتىلدى

«شىعىس» وڭىرلىك قولباسشىلىعىنا قاراستى 27943 اسكەري ءبولىمىنىڭ قۇرىلعانىنا 28 جىل تولدى. ەلىمىزدىڭ تىنىشتىعىن قورعاۋدى قامتاماسىز ەتۋ ماقساتىندا قازاقستان رەسپۋبليكاسىنىڭ قورعانىس مينيسترلىگى ديرەكتيۆاسىنىڭ نەگىزىندە 1993 جىلى 26 ساۋىردە جارما اۋدانىنىڭ قالباتاۋ اۋىلىندا 27943 اسكەري ءبولىمى قۇرىلدى.

اسكەري ءبولىمنىڭ قۇرىلۋى مەن قالىپتاسۋىنا ءار جىلداردا باسقارعان باسشىلاردىڭ سىڭىرگەن ەڭبەكتەرى زور. قارۋلى كۇشتەردە وزىندىك ورنى بار بولىمنەن تۇلەپ ۇشقان وفيتسەرلەر بۇگىنگى كۇنى جاۋاپتى قىزمەتتە ەڭبەك ەتىپ ءجۇر.

وسكەمەندەگى اسكەري بولىمگە 2019 جىلدىڭ 4 قىركۇيەگىندە قورعانىس ءمينيسترىنىڭ بۇيرىعىمەن حالىق قاھارمانى قاسىم قايسەنوۆتىڭ ەسىمى بەرىلدى. مۇنداعى جەكە قۇرامنىڭ جاۋىنگەرلىك ازىرلىگى دە ۇنەمى جوعارىدان كورىنىپ كەلەدى. اتاپ ايتساق، «شۇباركول» پوليگونىندا رەسەيدىڭ قارۋلى كۇشتەرىمەن بىرلەسكەن ء«وزارا قيمىل – 2008» وقۋ جاتتىعۋى، 2010-2011 جىلدارى ۇلتتىق قاۋىپسىزدىك دەپارتامەنتىمەن بىرلەسكەن جەدەل تاكتيكالىق وقۋ جاتتىعۋلارى، «كوكتال» وقۋ پوليگونىنداعى «ايبالتا –2015»، «شىعىس» وقۋ پوليگونىنداعى «ايبالتا – 2016»، «شىعىس» وقۋ پوليگونىنداعى جاتتىعۋلارى دالەل.

بۇدان بىلاي دا پودپولكوۆنيك اسلان كىتاپباەۆ باسشىلىق ەتەتىن ءبولىمنىڭ اسكەري قىزمەتشىلەرى ەلىمىزدىڭ ستراتەگيالىق ماڭىزدى ايماعىندا قاۋىپسىزدىكتى قامتاماسىز ەتۋ ءۇشىن جاۋىنگەرلىك مىندەتتەرىن ابىرويمەن اتقارا بەرمەك.

سوڭعى جاڭالىقتار

ۇقساس جاڭالىقتار