ايماقتار • 26 ءساۋىر، 2021

سولتۇستىكقازاقستاندىقتار پوليتسياعا 23 بىرلىك قارۋ تاپسىردى

7 رەت كورسەتىلدى

سقو-دا تىركەلمەگەن 23 قارۋدى يەلەرى پوليتسياعا تاپسىرىپ، سىياقى الدى. تاپسىرىلعان قارۋلار الدىمەن قىلمىس جاساۋعا قولدانباعاندىعىن راستايتىن قاجەتتى ساراپتامالاردان وتەدى، دەپ حابارلايدى Egemen.kz

ەگەر قارۋ قىلمىس جاساۋعا قاتىستىلىعى بولماسا ونىڭ قايدان الىنعانىن يەلەرى ايتۋى مىندەتتى ەمەس. ساراپتامادان سوڭ سىياقىنىڭ مولشەرى بەلگىلەنەتىن بولادى.

قارۋلار ادامداردىڭ قولىنا ءتۇرلى جولدارمەن تۇسكەن. سونىڭ ىشىندە تاۋىپ الدىق دەگەندەر كوپ بولعان. كەيبىر ادامدار ۇيلەرىندەگى ەسكى قورا-قوپسىنى بۇزعان كەزدە تاۋىپ الدىم دەگەن. ءۇش ادامدىكى قايتىس بولعان اتا-انالارىنان قالعان. مىسالى، م.جۇماباەۆ اۋدانىنىڭ ورتالىعى بۋلاەۆ سەلوسىنىڭ تۇرعىنى 1995 جىل اكەسى قايتىس بولعان سوڭ «بم-16» قوساۋىزدى قارۋىن اكەسىنىڭ كوزى رەتىندە ساقتاعان. ال تايىنشا اۋدانىنىڭ تۇرعىنى 16 كاليبرلى «يج» ماركالى 2 قارۋدى پولشاعا تۇراقتى تۇرۋعا كەتكەن دوسى قالدىرىپ كەتكەنىن ايتقان.

اكتسيا اياسىندا سولتۇستىكقازاقستاندىقتار بارلىعى 5 بىرلىك تراۆماتيكالىق قارۋ، 16 تەگىس ۇڭعىلى قارۋ مەن كاليبرى 5،6 مم. «توز» ماركالى 2 ويىق ۇساق كاليبرلى ۆينتوۆكا تاپسىرعان.

سوڭعى جاڭالىقتار

ۇقساس جاڭالىقتار