«جىل باسىنان بەرى وڭىردە 25 ادام COVID-19 ىندەتىنەن قايتىس بولدى. ونىڭ 22-ءسى سەمەيدەگى ينفەكتسيالىق اۋرۋحانادا تىركەلگەن. سوعان بايلانىستى كوميسسيا اتالعان اۋرۋحاناعا تەكسەرۋ جۇرگىزدى. شقو دەنساۋلىق ساقتاۋ باسقارماسى باسشىسىنىڭ ايتۋىنشا, بۇل اۋرۋحانادا كەمشىلىكتەر انىقتالعان», دەدى ءوڭىر باسشىسى.
وكىنىشكە قاراي, دەنساۋلىق ساقتاۋ مينيسترلىگىنىڭ COVID-19-دى ەمدەۋگە ارنالعان حاتتاما ءتارتىبىنىڭ تولىق ساقتالماۋى بايقالعان. ەكىنشىدەن, دەنساۋلىق پاسپورتتارىنداعى دەرەكتەردى ەسكەرە وتىرىپ, قوسىمشا سىرقاتتارىنا قاراي ناۋقاستاردى ەمدەۋ, دياگنوزىنا تۇزەتۋ ەنگىزۋ جۇرگىزىلمەگەن.
«ۇشىنشىدەن, گورموندىق تەراپيانى تاعايىنداۋدا اۋرۋدىڭ باستالۋى, زەرتحانالىق زەرتتەۋلەر مەن ەكگ ناتيجەلەرى ەسكەرىلمەيدى. تورتىنشىدەن, اۋرۋحاناعا جاتقىزىلعان سوڭ ءبىرىنشى تاۋلىك ىشىندە ناۋقاستار كت تەكسەرۋدەن وتكىزىلمەيدى. ەمدەۋ كومپيۋتەرلىك زەرتتەۋلەر ناتيجەلەرى ەسكەرۋسىز تاعايىندالادى. بەسىنشى, انتيبيوتيكتەردىڭ, ديۋرەتيكتەردىڭ بىرنەشە توبىن نەگىزسىز تاعايىنداۋلار بولعان. دەمالىس كۇندەرى الەۋمەتتىك جەلىدەگى جەكە پاراقشاما تۇسكەن سەمەي تۇرعىندارىنىڭ شاعىمدارىنان قالادا كت اپپاراتتارىنىڭ دا ىستەن شىققانى بەلگىلى بولدى. تەكسەرۋ ناتيجەسىندە بۇگىنگى تاڭدا التى اپپاراتتىڭ تەك 2-ەۋى عانا جۇمىس ىستەپ تۇرعانى انىقتالعان. وسى فاكتىنى جاسىرۋدان باسقا, جاعدايدىڭ شيەلەنىسۋى كەزىندە جاۋاپتى تۇلعالار تاراپىنان كت جۇمىس ىستەيتىن اۋرۋحانالاردا اپپاراتتىڭ تاۋلىك بويعى جۇمىسى ۇيىمداستىرىلماعان», دەدى دانيال احمەتوۆ.
دانيال احمەتوۆتىڭ ايتۋىنشا, مەديتسينالىق ساپا جانە باقىلاۋ دەپارتامەنتى تاراپىنان دا ەشقانداي شارا قابىلدانباعان. سەمەيدە كوروناۆيرۋس جاعدايىنىڭ ۋشىعۋىنا جول بەرىلگەنىنە بايلانىستى اتالمىش سالاعا جەتەكشىلىك ەتەتىن قالا اكىمىنىڭ ورىنباسارىنا, وبلىستىق دەنساۋلىق ساقتاۋ باسقارماسى باسشىسىنىڭ سەمەي بويىنشا ورىنباسارىنا, جۇقپالى اۋرۋلار اۋرۋحاناسىنىڭ باس دارىگەرىنە قاتاڭ سوگىس جاريالاۋ تاپسىرىلدى.
«سەمەيگە وبلىس اكىمى اپپاراتى باسشىسىنىڭ ورىنباسارى ءىلياس مۇحامەدجان باستاعان جۇمىس توبىن جىبەردىم. ولار قالا «جاسىل» ايماققا شىققانعا دەيىن سول جەردە جۇمىس ىستەيدى. ءاربىر ءولىم-ءجىتىم جاعدايىن تاعى دا ەگجەي-تەگجەيلى تەكسەرىپ, ىستەن شىققان كت پايدالانۋعا بەرۋدە ەڭ شۇعىل شارالاردى قابىلداۋ مىندەتتەلدى», دەدى وبلىس اكىمى.
