ايماقتار • 26 ءساۋىر، 2021

قىزىلوردادا جىل باسىنان بەرى 72 ايىپپۇل سالىندى

28 رەت كورسەتىلدى

ءدال قازىر ماماندار قىزىلوردا قالاسىنداعى ەپيداحۋالدى تۇراقسىز دەپ باعالاپ وتىر. بەس كۇن بۇرىن وبلىس ورتالىعى «قىزىل ايماقتا» تۇرعان وڭىرلەر قاتارىنا ەندى. سوڭعى اپتادا كۇنىنە 36-دان 44-كە دەيىن جاعداي تىركەلۋدە. وسىلايشا سىرقاتتانۋشىلىق كورسەتكىشى الدىڭعى اپتادان 63،4 پايىزعا جوعارىلادى، دەپ حابارلايدى Egemen.kz

پاندەميا باستالعالى بەرى قالا بويىنشا اۋىرعاندار سانى 3170 ادام، وسىنىڭ 1102-ءسى جىل باسىنان بەرى انىقتالعاندار. قالادا تاۋلىگىنە ورتا ەسەپپەن  250-300 سىناما جۇرگىزىلەدى. سىناما قورىتىندىسىنا جاسالعان زەرتتەۋ ءساۋىر ايىندا COVID-19 ىندەتىمەن سىرقاتتانۋشىلىق كورسەتكىشى قاڭتاردان – 3،8، اقپان ايىنداعى كورسەتكىشتەن 3،7، ال ناۋرىزداعى ايىنداعى دەڭگەيدەن 4،9 ەسە اسقانىن كورسەتتى. جالپى  اۋىرعاندار اراسىندا ەرەسەكتەر كوپ – 81 پايىز. بالالار ۇلەسى – 19،0، ال جاسوسپىرىمدەر 1،9% بولىپ تۇر.

– ۆيرۋس جۇقتىرعانداردىڭ كوبەيۋىنىڭ نەگىزگى سەبەبى تۇرعىنداردىڭ كارانتيندىك شارالاردى ساقتاماۋى. قالاداعى 12 ەگۋ كابينەتىندە ۆاكتسيناتسيالاۋ جالعاسۋدا، سونداي-اق جىلجىمالى ەگۋ پۋنكتتەرى دە جۇمىس ىستەپ تۇر. الدا ءىرى ساۋدا-ويىن ورتالىقتارى مەن ساۋدا ۇيلەرىندە ەكپە ورىندارىن اشۋ جوسپاردا تۇر. قازىر بۇل باعىتتا دايىندىق جۇمىستارى جۇرگىزىلۋدە. ونداعى سانيتاريالىق-ەپيدەميالىق تالاپتار دا مەديتسينالىق ۇيىمداعىداي قاتاڭ ساقتالاتىن بولادى. قالا بويىنشا 1-ءشى اقپاننان باستاپ 15 174 ادام ەگۋدىڭ ءبىرىنشى كومپونەنتىمەن، 5002 تۇرعىن ەكىنشى كومپونەنتپەن قامتىلىپ وتىر، – دەدى قىزىلوردا قالاسىنىڭ باس مەملەكەتتىك سانيتاريالىق دارىگەرى ەرلان ۇزاقباەۆ.

جىل باسىنان بەرى شەكتەۋ تالاپتارىنىڭ ساقتالۋىنا جاسالعان تەكسەرۋ بارىسىندا  62 ايىپپۇل سالىنعان. ەلۋ ەكى نىسان جوسپاردان تىس تەكسەرىلىپ، ۇيعارىم بەرىلدى.  

ءدال قازىر 12 شۇعىل حابارلاما بويىنشا ءتيىستى تەكسەرۋ تاعايىندالدى. جالپى جىل باسىنان بەرى كارانتيندىك رەجيم تالاپتارىن بۇزعاندارعا قر اكىمشىلىك قۇقىق بۇزۋشىلىق تارۋلى كودەكسىنىڭ 425 بابىنىڭ 1-ءشى بولىگىمەن 5 332 260 تەڭگە ايىپپۇل سالىنىپ وتىر.

 

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار