فوتو: https://www.aa.com.tr/
باعدادتاعى كوروناۆيرۋس جۇقتىرعان ناۋقاستارعا ارنالعان اۋرۋحاناداعى ورتتەن زارداپ شەككەندەردىڭ سانى 82-گە دەيىن جەتتى. بۇل تۋرالى يراك تەلەارناسىنىڭ ەفيرىندە يراك ىشكى ىستەر مينيسترلىگىنىڭ رەسمي وكىلى حاليد ال-ميحاننا حابارلادى.
«كوروناۆيرۋستىڭ جاڭا تۇرىمەن (COVID-19) ەمدەلىپ جاتقان يبن ءال-حاتيب اۋرۋحاناسىندا بولعان ءورتتىڭ سالدارىنان 82 ادام قايتىس بولدى, تاعى 110 ادام جاراقات الدى», دەدى حاليد ال-ميحاننا.
دەسە دە ىشكى ىستەر مينيسترلىگىنىڭ وكىلى ءورتتىڭ سەبەپتەرىن اتاعان جوق. بولجام بويىنشا ءورت وتتەگى باللونىنىڭ جارىلۋىنان شىققان بولۋى مۇمكىن.
كۋاگەرلەردىڭ ايتۋىنشا, عيماراتتىڭ ىشىندە دۇربەلەڭ باستالىپ, ادامدار تەرەزەدەن سەكىرگەن. 200-دەن استام ناۋقاس قۇتقارىلدى.
ەكى قاباتتى اۋرۋحانانىڭ ءىشى تولىعىمەن جانىپ كەتتى. ال قازا تاپقان ناۋقاستاردىڭ كوپشىلىگى كومىرتەگى توتىعىمەن ۋلانعان.
اتالعان جاعدايعا بايلانىستى يراك پرەمەر-ءمينيسترى مۇقيات تەرگەۋ جۇرگىزۋدى تاپسىردى. سونىمەن قاتار ول ەلدىڭ دەنساۋلىق ساقتاۋ ءمينيسترى مەن باعداد مەرىن قىزمەتىنەن شەتتەتتى دەگەن حابار بار.
حالىق قۇربانداردى ءۇش كۇن ازا تۇتادى.
