يبن حاتيب اۋرۋحاناسىنداعى ءورت وتتەگى باللوندارىنىڭ جارىلۋىنان تۋىندادى دەيدى. پاندەميا كەزىندە ۆيرۋس جۇقتىرعانداردى ەمدەۋمەن اينالىسقان مەديتسينالىق ورتالىقتاعى اپات كەزىندە كەمىندە 27 ادام قايتىس بولىپ, 46 كىسى جارالانعان دەگەن اقپارات بار.
ورتالىق قىزمەتكەرلەرى جالىننىڭ تەز تاراپ كەتكەنىن, ونى توقتاتۋ مۇمكىن بولماعانىن جەتكىزدى. ونىڭ ۇستىنە عيماراتتا ءورت ءسوندىرۋ قۇرىلعىلارى قاراستىرىلماعان.
يراكتىڭ ازاماتتاردى قورعاۋ اگەنتتىگىنىڭ باسشىسى كاديم بوحام اۋرۋحاناداعى 120 ناۋقاستىڭ 90-ى قۇتقارىلعانىن مالىمدەدى. گەنەرال-مايوردىڭ ايتۋىنشا, ءورت تولىقتاي سوندىرىلگەن.
ەلدىڭ ونسىز دا ونداعان جىل بويى ءتۇرلى سانكتسيا, سوعىس پەن ءساتسىز كەلىسسوزدەردەن جاپا شەگىپ, كەنجەلەپ قالعان مەديتسينا سالاسى تاعى بىرنەشە جىلعا ارتقا ىسىرىلعانداي سوققى الدى. وعان قوسا كوروناۆيرۋس پاندەمياسى دا يراكتىڭ مەديتسيناسى قانشالىقتى اقساپ تۇرعانىن كورسەتىپ ۇلگەرگەن ەدى.
جالپى, يراكتا ۆيرۋسقا قاتىستى جاعداي وڭالمادى. وتكەن اپتادا COVID-19 جۇقتىرعاندار سانى 102 528 بولسا, ودان كوز جۇمعاندار 15 217-گە تايادى.
اۋرۋحانالاردا وتتەگى باللوندارى جەتىسپەيدى. وزدىگىنەن دەم الۋى قيىن ناۋقاستاردىڭ توسەكتەرىنە تسيليندرلەر اكەلىنگەن. الايدا ول تسيليندرلەر ۇزاققا بارمايدى. مەديتسينا قىزمەتكەرلەرى مەن ناۋقاستىڭ تۋىستارىنا ونى ۇنەمى اۋىستىرىپ وتىرۋ كەرەك ەكەن. ازاماتتاردى قورعاۋ اگەنتتىگى ورتتە قازاق تاپقاندار وسى ءتسيليندرسىز دەم الا المايتىندار ەكەنىن جەتكىزدى. ولاردىڭ ايتۋىنشا, قۇرىلعى الىپ ءجۇرۋ ءۇشىن دە اۋىر بولىپ شىققان.
