حالىقتىڭ كوپ بولىگىن قامتيتىن بۇل سالادا cىبايلاس جەمقورلىققا قارسى مادەنيەتتى قالىپتاستىرۋ جانە الدىن الۋ ماقساتىندا 2018 جىلعى 18 ساۋىردەن باستاپ سىبايلاس جەمقورلىققا قارسى ءىس-قيمىل اگەنتتىگىنىڭ باستاماسىمەن Sanaly urpaq رەسپۋبليكالىق جوباسى الماتى قالاسىندا جۇمىسىن باستاعان.
رەسپۋبليكالىق Sanaly urpaq جوبالىق ءوفيسىنىڭ جەتەكشىسى قايىرجان توكۋشەۆتىڭ ايتۋىنشا, جوبانىڭ ماقساتى – ءبىلىم بەرۋ جۇيەسىندە سىبايلاس جەمقورلىقتىڭ الدىن الۋ, ءبىلىم بەرۋ جۇيەسى ارقىلى سىبايلاس جەمقورلىقتان باس تارتۋ ورتاسىن قالىپتاستىرۋ. ەلىمىزدىڭ ءبىلىم بەرۋ سالاسىندا قۇقىقتىق جانە سىبايلاس جەمقورلىققا قارسى ساۋاتتىلىقتى ارتتىرۋ, سىبايلاس جەمقورلىققا قارسى سانانى قالىپتاستىرۋ, اكادەميالىق ادالدىقتى, وقۋ ورىندارىنىڭ اشىقتىعى بويىنشا جۇيەلى جانە اۋقىمدى جۇمىس جۇرگىزۋگە باعىتتالعان. جوبا تاجىريبەلەرىن سىناقتان وتكىزىپ, رەسپۋبليكانىڭ باسقا ايماقتارىنا تاراتۋعا الماتى قالاسىنىڭ تاڭداپ الىنعانى دا جايدان-جاي ەمەس. بۇگىندە الماتى قالاسىندا 39 جوعارى وقۋ ورنى بار, ونىڭ 8-ءى – ۇلتتىق ۋنيۆەرسيتەت, 88-ءى – كوللەدج. ال 266 مەكتەپتىڭ 205-ءى – مەملەكەتتىڭ مەنشىگىندەگى مەكتەپتەر بولسا, 893 بالاباقشانىڭ 185-ءى – مەملەكەتتىك بالاباقشا.
پرەزيدەنت جانىنداعى مەملەكەتتىك باسقارۋ اكادەمياسى, ءال-فارابي اتىنداعى قازۇۋ, اگەنتتىكتىڭ اۋماقتىق دەپارتامەنتتەرى جانە ەلىمىزدەگى ءبىلىم بەرۋ سالاسىنداعى باسقارمالار مەن ءبىلىم وردالارى جوبانىڭ سەنىمدى سەرىكتەرى بولىپ كەلەدى. «بۇگىنگى تاڭدا Sanaly urpaq جوباسى اياسىندا ەل بويىنشا پاراساتتىلىق جانە ادالدىق قاعيداتتارىن قالىپتاستىرۋ الاڭىندا 717209 وقۋشىنى قامتيتىن 4602 Adal urpaq جانە 473600 ستۋدەنتتى بىرىكتىرەتىن 746 Sanaly urpaq كلۋبتارى جۇمىس ىستەيدى.
ءبىلىم وردالارىندا سىبايلاس جەمقورلىققا قارسى مادەنيەتتى قالىپتاستىرۋعا باعىتتالعان تاقىرىپتاعى ەسسەلەر, سۋرەتتەر, بەينەروليكتەر, ولەڭدەر كونكۋرستارى تۇراقتى تۇردە ۇيىمداستىرىلىپ كەلەدى جانە جىل سايىن ساۋالدامالار, اي سايىن «ادالدىق ساعاتتارى» وتكىزىلۋدە. مىسالى, تۇڭعىش پرەزيدەنت كۇنى قارساڭىندا 2019, 2020 جىلدارى «مەن جاستارعا سەنەمىن!» فورۋمى اياسىندا سىبايلاس جەمقورلىققا قارسى عىلىمي يننوۆاتسيالىق جوبالار بايقاۋى ەكى مارتە وتكەن. بايقاۋدى بيىل دا وتكىزۋ جوسپارلانىپ وتىر.
رەسپۋبليكالىق Sanaly urpaq جوبالىق ءوفيسى مەن ءال-فارابي اتىنداعى قازۇۋ «سىبايلاس جەمقورلىققا قارسى تەحنولوگيالار» عىلىمي-زەرتتەۋ ينستيتۋتى سىبايلاس جەمقورلىققا قارسى وقۋ ادىستەمەلىك قۇرالىن جانە ءبىلىم سالاسىندا سىبايلاس جەمقورلىققا قارسى تاۋەكەلدەردى ىشكى تالداۋعا ارنالعان ادىستەمەلىك ۇسىنىمدار ازىرلەگەن. بۇل قۇرالداردى ءبىلىم بەرۋ مەكەمەلەرى پايدالانىپ كەلەدى. سونىمەن قاتار بالاباقشا, مەكتەپ, كوللەدج جانە جوعارى وقۋ ورىندارىندا كەزدەسۋى مۇمكىن سىبايلاس جەمقورلىق تاۋەكەلدەرىن انىقتاپ, كارتا ازىرلەنىپ, ءبىلىم سالاسىنا ۇسىنىستار تاراتىلدى جانە شەشۋ جولدارى كورسەتىلدى. قازىرگى كەزدە ءبىلىم بەرۋ مەكەمەلەرى سىبايلاس جەمقورلىقتىڭ الدىن الۋعا باعىتتالعان شارالاردى جۇرگىزۋگە بەلسەندى اتسالىسىپ كەلەدى. وسى ماقساتتا جوبالىق وفيس ۇسىنعان كەشەندى جوسپاردى قابىلداپ, ورىنداۋ ۇستىندە», دەيدى ق.توكۋشەۆ.
بۇگىندە جوبا جۇمىسىنا بۇۇ قىزىعۋشىلىق تانىتىپ وتىر. وسى ورايدا Sanaly urpaq جوباسىنىڭ ماماندارى جاپونيادا وتكەن بۇۇ-نىڭ 14-كونگرەسىنە ارنايى شاقىرىلعان. بۇۇ-نىڭ الەمدى تۇراقتى دامىتۋ باعدارلاماسىنىڭ 4,11,16-ماقساتتارىنا سايكەس كەلەتىن جوبانىڭ جۇمىسىمەن شەت مەملەكەتتەر وكىلدەرى تانىسىپ, سۇراقتارىنا جاۋاپ العان. وتكەن ءۇش جىلدا جوبا اياسىندا اتقارىلعان جۇمىستار ءبىلىم سالاسىندا سىبايلاس جەمقورلىققا قارسى ءىس-شارالاردى جۇيەلى, ماقساتتى جۇرگىزۋگە سەرپىن بەرىپ كەلەدى.
