يراكتىڭ ادام قۇقىقتارى جونىندەگى كوميسسياسىنىڭ مالىمەتىنشە, جەكسەنبىنىڭ تاڭىندا وقيعا سالدارىنان 45 ادام قازا تاپقان. رەسپۋبليكانىڭ دەنساۋلىق ساقتاۋ مينيسترلىگىنەن رەسمي مالىمەتتەر كەلىپ تۇسكەن جوق.
باعداتتىڭ وڭتۇستىك-شىعىسىنداعى يبن-ءال-حاتىب اۋرۋحاناسىنداعى ءورتتىڭ شىعۋىنا ونىڭ ەكىنشى قاباتىندا ورنالاسقان جانساقتاۋ بولىمىندەگى وتتەگى باللوندارىنىڭ جارىلۋى سەبەپ بولعان. ەكىقاباتتى عيمارات تولىق ورتەنىپ كەتكەن.
ءورتتى سوندىرۋگە 30-عا جۋىق جاساق جۇمىلدىرىلدى. كۋاگەرلەردىڭ ايتۋىنشا, ءورت باستالعاندا, دۇرلىككەن ادامدار عيماراتتان شىعاتىن جەر ىزدەگەن. ازاماتتىق قورعانىس جانە توتەنشە جاعدايلار قىزمەتىنىڭ سوڭعى مالىمەتتەرى بويىنشا, سول كەزدە اۋرۋحانادا شامامەن 200 ادام بولعان.
يراك ەلىنىڭ پرەمەر-ءمينيسترى مۇستافا ءال-كازىمي وقيعانى جان-جاقتى تەرگەۋدى بۇيىردى, بۇكىل ەلدە ۇشكۇندىك ازa تۇتۋ جاريالانعان.
