بۇگىن كەشكە تجد پۋلتىنە بۇقار جىراۋ داڭعىلىنداعى كوپقاباتتى ۇيدە ءورت شىققانى تۋرالى حابارلاما كەلىپ ءتۇستى.
وقيعا ورنىنا كەلگەن ءورت سوندىرۋشىلەر تۇرعىندار جيھاز جيناپ قويعان باسپالداق وتكەلىن وت شارپىعانىن انىقتادى.
«24 ءساۋىر ساعات 18:28-دە قاراعاندى قالاسىندا, بۇقار جىراۋ داڭعىلى, 96 مەكەنجايىندا ءورت شىققانى تۋرالى حابارلاما كەلىپ ءتۇستى. 9 قاباتتى تۇرعىن ۇيدە الدىن الا بولجام بويىنشا جالپى اۋدانى 70 شارشى مەتر اۋماقتا, 4 جانە 9-شى قاباتتار اراسىنداعى باسپالداق ارالىقتارىندا جيھاز, ءۇي زاتتارى مەن قوقىستار جانىپ كەتتى» دەپ حابارلادى قاراعاندى وبلىسى تجد ءباسپاسوز قىزمەتى.
تجد كۇشىمەن كىرەبەرىس پاتەرلەرىنەن قۇتقارۋ قالپاقتارىنىڭ جانە اۆتوساتىنىڭ كومەگىمەن 12 ادام (ونىڭ ىشىندە 4 بالا) قۇتقارىلدى جانە باسپالداق ارقىلى 35 ادام (ونىڭ ىشىندە 8 بالا) ەۆاكۋاتسيالاندى
ساعات 19:41-دە ءورت اۋىزدىقتالدى.
