«اقش پرەزيدەنتىنىڭ كليمات بويىنشا كوشباسشىلار ءسامميتى اياسىنداعى دوڭگەلەك ۇستەلگە قاتىستىم. ەلىمىزدەگى بەيتاراپتىققا جەتۋگە باعىتتالعان شارالار جونىندە ايتتىم. جاڭا ەكولوگيالىق كودەكستىڭ نورمالارى نەعۇرلىم ءالسىز سەكتورلاردىڭ كليماتتىڭ وزگەرۋىنە بەيىمدەلۋ ۇردىسىنە جۇزەگە اسىرۋعا قولايلى جاعداي تۋعىزاتىنىن اتاپ ءوتتىم. سونىمەن بىرگە ەلىمىز اقش-تىڭ جاسىل قارجىلاندىرۋ گرانتتىق باعدارلامالارىنا قاتىسۋعا دايىن ەكەنىن جەتكىزدىم. بۇل ەلدىڭ 2050 جىلعا دەيىن تومەن كومىرتەكتى دامۋ تۇجىرىمداماسىنا سايكەس تەرەڭ دەكوربانيزاتسيا بويىنشا نەعۇرلىم جوعارى ناتيجەگە قول جەتكىزۋ ءۇشىن قاجەت. اتالعان شارالار شىعارىندىلار كولەمىن 71%-عا تومەندەتەدى», دەپ مالىمدەدى ۆەدومستۆو باسشىسى.
بۇدان بولەك مينيستر قازاقستان كليماتتىڭ وزگەرۋى سالاسىندا عالامدىق كۇن ءتارتىبىن قولداۋعا ارقاشان دايىن ەكەنىن جەتكىزگەن.
«جالپى قازاقستان تمد بويىنشا پاريج كەلىسىمىن ءبىرىنشى بولىپ راتيفيكاتسيالادى, سونىمەن قاتار ءبىزدىڭ ەلىمىز ورتا ازيادا «جاسىل ەكونوميكا» بويىنشا كوشباسشى سانالادى. سوندىقتان قازاقستاندا كليمات ماسەلەلەرى بويىنشا ورتالىق ازيانىڭ ايماقتىق حابىن قۇرۋ تۋرالى باستاما كوتەردىم. حابتىڭ جۇمىسى ارقىلى ورتالىق ازيادا «جاسىل» ەكونوميكالىق ءوسىمدى قامتاماسىز ەتىپ, تەحنولوگيالارمەن, ءبىلىم جانە تاجىريبەمەن الماسۋعا بولادى. حالىقارالىق قارجى ينستيتۋتتارىنان قولداۋ تابۋعا مۇمكىندىك بار. قازاقستان كليماتتىڭ وزگەرۋى سالاسىندا عالامدىق كۇن ءتارتىبىن قولداۋعا ارقاشان دايىن», دەپ جازدى مينيستر.
