باس جوسپاردىڭ ءۇش ولشەمدى ماكەتىن جاساۋ قالانىڭ جانە جەكەلەگەن وبەكتىلەردىڭ 3D گولوگرامماسىن كورۋگە, تابيعي, تەحنوگەندىك جاعدايلاردى جانە قالالىق ينفراقۇرىلىمنىڭ مىنەز-قۇلقىن مودەلدەۋگە (كارىز جارىلىستارى, اۆاريالار, داۋىلدار جانە ت.ب.), قالا قۇرىلىسىنىڭ تىعىزدىعىن جوبالاۋعا مۇمكىندىك بەرەدى.
سونىمەن قاتار, قالانى تسيفرلاندىرۋدىڭ ارقاسىندا ينۆەستيتسيالىق كارتا قولجەتىمدى بولادى – كاسىپكەرلەر قاي اۋداندا ءدارىحانا, دۇكەن, نوتاريۋس سەكىلدى ت.ب. ورىنداردى اشۋعا بولاتىنىن كورە الادى.
«ساۋلەت سالاسىنداعى بارلىق مەملەكەتتىك قىزمەتتەر "ەلەكتروندىق ۇكىمەت" ۆەب-پورتالى ارقىلى كورسەتىلەدى. وسىلايشا, كورسەتىلەتىن قىزمەتتى الۋشىنىڭ مەملەكەتتىك ورگانمەن بايلانىسى الىنىپ تاستالدى, بۇل مەملەكەتتىك قىزمەتتەر كورسەتۋدىڭ اشىقتىعىن كورسەتەدى. وسىلايشا, ەلەكتروندىق فورماتتا كورسەتىلگەن قىزمەتتەردىڭ جالپى كولەمىنىڭ 85,67%-ى بەرىلدى», — دەپ اتاپ ءوتتى نۇرلان ۇرانحاەۆ.
ايتا كەتۋ كەرەك, كەز-كەلگەن قالانى جوبالاۋ كەزىندە كوگالداندىرۋ نورمالارى قولدانىلادى, ولار قالانىڭ كولەمىنە جانە كليماتتىق جاعدايلارىنا بايلانىستى سارالانادى. وسى تالاپتاردى ساقتاعان كەزدە تىعىز قۇرىلىس سالۋ جانە قوعامدىق كەڭىستىكتەر, ساياباق اۋماقتارىن سالۋ ءۇشىن جەتكىلىكتى كەڭىستىك ءبولۋ مۇمكىندىگى جوققا شىعارىلادى. جالپى قالالىق پاركتەر 10 شارشى مەتر/ادام ەسەبىنەن جوسپارلانىپ وتىر.
«نۇر-سۇلتاندا جەتى قالالىق ساياباقتى ۆەلوسيپەد جانە جاياۋ جۇرگىنشى جولدارىمەن بىرىكتىرىپ, جاسىل كۇرەتامىرعا اينالدىرۋ جوسپارلانۋدا. سونداي-اق سۋ بەتىندەگى تاقتاي جاعالاۋى, سكەيت-ساياباق, كوشە كينوتەاترى, جاڭا قالالىق جاعاجاي, سپورت پاۆيلوندارى جانە ت.ب. سالىنادى. جوبادا ەسىل وزەنىنىڭ بويىندا ۇزىندىعى 16 شاقىرىمعا جۋىق جاياۋ جۇرگىنشىلەر ايماعى مەن ۆەلوجول سالۋ كوزدەلگەن. پاركتەردىڭ جالپى اۋدانى 360 گەكتاردى قۇرايدى. ولاردىڭ اۋماعى, قالا سياقتى, اۋقىمدى كوگالداندىرىلاتىن بولادى», — دەپ اتاپ ءوتتى باسقارما باسشىسى.
ەلباسى اتاپ وتكەندەي, «قالانىڭ باس جوسپارى عيماراتتاردىڭ, جاسىل جەلەكتەر مەن ورماننىڭ سيمبيوزى رەتىندە جاسالدى – بۇل جۇمىستى جالعاستىرۋ قاجەت, ۇيلەر مەن عيماراتتاردىڭ اينالاسىنا اعاش وتىرعىزىلىپ, كوگالداندىرىلۋى ءتيىس. بۇل قازاقستانداعى كليمات ءۇشىن وتە ماڭىزدى».
ايتا كەتۋ كەرەك, ەلوردانى دامىتۋ «نۇر-سۇلتان — جايلى قالا» جوسپارىنا ەنگىزىلگەن.
