«نۇر-سۇلتان قالاسى ەسىل اۋدانىنىڭ №2 اۋداندىق سوتى ۇكىمىمەن قالانىڭ توتەنشە جاعدايلار دەپارتامەنتىنىڭ باس مامانى دۇيسەنوۆ 4 جىلعا باس بوستاندىعىنان ايىرۋ, «ايست-سەرۆيس» جشس ديرەكتورى ساتۆالدينوۆ 4 جىلعا باس بوستاندىعىنان ايىرۋ جازاسىنا كەسىلدى, ال «Bi Global» جشس جوبا جەتەكشىسى يپبەرگەنوۆكە قاتىستى 53 ملن تەڭگە سوماسىندا ايپپۇل سالىندى», دەدى دانيار بەكايداروۆ.
دانيار بەكايداروۆتىڭ ايتۋىنشا, ساتۆالدينوۆتىڭ قىلمىسقا يتەرمەلەۋىمەن دۇيسەنوۆ 2 ملن تەڭگە سوماسىنداعى پارانى يپبەرگەنوۆتان الدى دەگەن كۇدىككە ءىلىندى.
اتالعان جايتتان كەيىن ەلورداداعى جەڭىل اتلەتيكا سپورت كەشەنى نىسانىنىڭ ءورت-تەحنيكالىق جاعدايىن قاراۋ بارىسىندا انىقتالعان ءورت قاۋىپسىزدىگى نورمالارىنىڭ بۇزىلعانىن جاسىرۋ فاكتىسى تەكسەرىلدى.
