كەزدەسۋ بارىسىندا ەكى ەل اراسىنداعى ىنتىماقتاستىقتى ودان ءارى نىعايتۋ ماسەلەلەرى تالقىلاندى. سەنات توراعاسى پارلامەنتارالىق ديالوگ قازاقستان-رەسەي ىنتىماقتاستىعىنىڭ ماڭىزدى قۇرامداس بولىگى بولىپ تابىلاتىنىن اتاپ ءوتتى.
«ەكىجاقتى قارىم-قاتىناستاردا وڭىرارالىق جانە شەكارا ماڭى ىنتىماقتاستىعىنىڭ ماڭىزى زور. قازىرگى تاڭدا قازاقستان مەن رەسەي اراسىنداعى تاۋار اينالىمىنىڭ شامامەن 70 پايىزى وڭىرارالىق جانە شەكارا ماڭى ساۋداسىنا تيەسىلى. ءبىزدىڭ مەملەكەتتەرىمىزدىڭ باسشىلارى شەكارا ماڭىنداعى ىنتىماقتاستىققا ەرەكشە نازار اۋدارىپ وتىر. قازاقستان مەن رەسەيدىڭ وڭىرارالىق ىنتىماقتاستىق فورۋمدارى وتكىزىلىپ كەلەدى. ءبىزدىڭ سەناتورلارىمىزدىڭ باسىم بولىگى بەلگىلى ءبىر ايماقتاردان سايلانعان. سوندىقتان سەناتورلار ەكى ەل پرەزيدەنتتەرىنىڭ باستامالارىن قولدايدى ءارى جۇزەگە اسىرۋعا بەلسەنە قاتىسىپ كەلەدى», دەدى ماۋلەن اشىمباەۆ.
سەنات توراعاسىنىڭ ايتۋىنشا, ەكى ەل اراسىنداعى قارىم-قاتىناس عىلىمي-ءبىلىم بەرۋ, مادەني-گۋمانيتارلىق جانە باسقا دا سالالاردا تابىستى دامىپ كەلەدى.
