نۇر-سۇلتاندا تاعى ءبىر اۋلا كلۋبى اشىلدى. "قولونەر ورتالىعى" جاڭا اۋلا كلۋبىنىڭ تاربيەلەنۋشىلەرىنە (ناجىمەدەنوۆا 10/3) قولونەر, زەرگەرلىك جۇمىس, ءپىشۋ جانە تىگۋ, قىش جانە ساندىك-قولدانبالى ونەرمەن اينالىسۋ ءۇشىن بارلىق جاعداي جاسالعان.
«14-29 جاس ارالىعىنداعى جاستارمەن جۇمىس ىستەيمىز. قولونەر شەبەرلىگى — اتا-بابالارىمىزدىڭ مۇراسى. حالقىمىزدىڭ تاريحى وتە باي. باستى ماقسات – جاستاردى قولونەرگە ۇيرەتۋ, ۇلتتىق كودتى ساقتاۋ جانە ارينە مادەنيەتىمىزدى بارىنشا ناسيحاتتاۋ. ارامىزدا ءومىرىن قولونەرگە ارناعان وتباسىلار بار. بالالار بىزدەن بەلگىلى ءبىر ءبىلىم الىپ, تابىس تابا الادى», دەپ اتاپ ءوتتى «قولونەر ورتالىعى» اۋلا كلۋبىنىڭ جەتەكشىسى راۋزا بالماعامبەتوۆا.
وسىلايشا, قازىرگى ۋاقىتتا نۇر-سۇلتاندا 27 اۋلا كلۋبى جۇمىس ىستەيدى, ال ولاردىڭ تاربيەلەنۋشىلەرىنىڭ سانى ءۇش مىڭعا جۋىقتادى.
«مەن وسى اۋلا كلۋبىن قۇرۋ تۋرالى انام ارقىلى ءبىلدىم, ول مەنى وسىندا تىركەۋدى ءجون دەپ سانادى. ال مەن قاتتى قۋاندىم. سەبەبى قولونەرمەن, تىگىنمەن اينالىسقاندى ۇناتاتىنمىن. بولاشاعىمدى وسى سالامەن بايلانىستىرامىن. ۇلتتىق كيىم ديزاينەرى بولعىم كەلەدى», دەدى «قولونەر ورتالىعى» اۋلا كلۋبىنىڭ قاتىسۋشىسى جانەل.
ەلوردالىق اۋلا كلۋبىنىڭ باستى ارتىقشىلىعى — بالالار تەگىن قاتىسا الادى. سونداي-اق, قالا بويىنشا اۋلا كلۋبتارى جۇمىس ىستەيدى, وندا بالالار سپورتپەن, مودەلدەۋمەن, روبوتوتەحنيكامەن, مۋزىكامەن, بيمەن جانە ت.ب. باعىتتارمەن اينالىسا الادى.
سونداي-اق, ەلوردا اكىمدىگى مەملەكەت باسشىسىنىڭ تاپسىرماسى بويىنشا اۋلالار مەن قوعامدىق كەڭىستىكتەردى اباتتاندىرۋ بويىنشا اۋقىمدى جۇمىستار جۇرگىزۋدە. وتكەن جىلدىڭ وزىندە قالا اكىمدىگى 76 گەكتاردان استام اۋماقتى اباتتاندىردى: بۇل 150-دەن استام اۋلا جانە 60 قوعامدىق كەڭىستىك (ساياباقتار, سكۆەرلەر, بۋلۆارلار). بيىل بۇل جۇمىس بەلسەندى تۇردە جالعاساتىن بولادى.
بوس ۋاقىت وتكىزۋ ورتالىقتارىن اشۋ جانە اۋلالاردى/قوعامدىق كەڭىستىكتەردى اباتتاندىرۋ قالا تۇرعىندارىن سپورتپەن اينالىسۋىنا مۇمكىندىك بەرەدى.
