وڭىرلەردەگى جاعدايدى باعالاۋ ماتريتساسى بويىنشا باس قالا ءبىر ايدان استام ۋاقىت «قىزىل» ايماقتا تۇر, دەپ مالىمدەدى قالانىڭ باس سانيتار دارىگەرى سارحات بەيسەنوۆا.
«كۇنىنە 350-دەن 650-گە دەيىن جاعداي تىركەلەدى. سوڭعى اپتادا اۋرۋ كورسەتكىشى وتكەن اپتادان 9,7%-عا جوعارى, 100 مىڭ تۇرعىنعا شاققانداعى كورسەتكىش 320,43 ادامدى قۇرايدى. رەپرودۋكتيۆتى سانى-1021. جىل باستالعالى بەرى قالامىزداعى ناۋقاستار سانى-22 مىڭنان استى, ال پاندەميا باستالعالى بەرى 41214 جاعداي تىركەلدى», دەپ ءتۇسىندىردى ەلوردانىڭ باس سانيتارى.
جاس قۇرىلىمى بويىنشا ناۋقاستاردىڭ ەڭ جوعارى دەڭگەيى ەرەسەكتەردىڭ اراسىندا تىركەلەدى, ولار كۆي-مەن اۋىرعانداردىڭ 79,9%-ىن قۇرايدى, بالالار 17,3%-دى, ال ينفەكتسيامەن اۋىرعان جاسوسپىرىمدەردىڭ جالپى سانى 2,8%-عا جەتىپ وتىر.
«ناۋقاستار اراسىندا 14 جاسقا دەيىنگى بالالاردىڭ سانى ءۇش ەسەگە ارتقانى بايقالادى. قاڭتاردا-571, اقپاندا-479, ناۋرىزدا-1106, ساۋىردە-1790. ايتا كەتەيىك ينفەكتسيا جۇقتىرۋ بالالاردىڭ بارلىق جاس توپتارىندا بايقالادى», دەدى سارحات بەيسەنوۆا.
گاۋحار قاپاش
