بولىمگە كەلگەننەن كەيىن اسكەرگە الىنعاندار قايتا ەگجەي-تەگجەيلى مەديتسينالىق تەكسەرۋدەن, سونداي-اق پسيحولوگيالىق تەستىلەۋدەن ءوتتى.
جاس جاۋىنگەرلەردى تەستىلەۋ كەزىندە ءبولىم كومانديرلەرى ءبىلىم دەڭگەيى, ماماندىعىنىڭ بولۋى, سونداي-اق ءاربىر اسكەري ادامنىڭ مورالدىق-ادامگەرشىلىك ۇستانىمدارى تۋرالى اقپارات بەردى.
«قازىر اسكەري قىزمەتشىلەر ءبىر ايعا سوزىلاتىن جاس جاۋىنگەر كۋرسىنان ءوتىپ جاتىر. جالپى اسكەري دايىندىق نەگىزدەرىن زەردەلەپ, قىزمەتكە بايلانىستى كۇندەلىكتى جاعدايلاردا ءىس-قيمىل الگوريتمىن تالداۋدا. ولارمەن تەوريالىق جانە پراكتيكالىق ساباقتاردى نەعۇرلىم دايارلانعان وفيتسەرلەر مەن سەرجانتتاردىڭ اراسىنان ىرىكتەلگەن كاسىبي نۇسقاۋشىلار جۇرگىزەدى. جاڭادان كەلگەن جاۋىنگەرلەرمەن باستاپقى وقۋ پاندەرى بويىنشا ساباقتار, پراكتيكالىق وق اتۋلار وتكىزىلەدى», دەپ اتاپ ءوتتى اسكەري ءبولىم كومانديرىنىڭ تاربيە جانە يدەولوگيالىق جۇمىستار جونىندەگى ورىنباسارى پودپولكوۆنيك ەرلان ءنۇرالين.
العاشقى اسكەري دايىندىق كەزىندە اسكەري قىزمەتشىلەر جەكە قۇرامنان وقشاۋلاندى.
جاس ساربازدار جيىنىنىڭ اكىمشىلىك قۇرامى سانيتارلى-گيگيەنالىق شارالاردىڭ قاتاڭ ساقتالۋىنا ەرەكشە ءمان بەردى. كوروناۆيرۋس ينفەكتسياسىنىڭ تارالۋىنا جول بەرمەۋ ءۇشىن اسكەرگە شاقىرىلۋشىلاردىڭ جيىن پۋنكتەرىندە مەديتسينالىق بەكەتتەر دارىگەرلەرىنىڭ ءجىتى باقىلاۋىندا بولىپ, جونەلتۋ الدىندا ەكسپرەسس-ادىسپەن تەست تاپسىرعان ەدى. اسكەري بولىمدەرگە كەلگەن سوڭ ەكىنشى رەت تەكسەرۋدەن ءوتىپ, مىندەتتى تۇردە پتر ادىسىمەن لابوراتوريالىق زەرتتەۋ جۇرگىزىلدى. ونداعى باستى ماقسات – جۇقپالى ىندەتتىڭ اسكەري ورتادا تارالىپ كەتۋىنە جول بەرمەۋ. اسكەري بورىشىن وتەۋگە كەلگەندەر جاس جاۋىنگەرلەردىڭ ءبىر ايلىق جيىنىنا قاتىسىپ, ول اياقتالعان سوڭ اسكەري انت قابىلدايدى.
جاس ساربازدارعا قر قىلمىستىق كودەكسىنىڭ 18 تاراۋى اسكەري قىلمىستىق-قۇقىق بۇزۋشىلىقتاردىڭ تالاپتارىن جەتكىزۋ, جارعىدان تىس ءوزارا قارىم-قاتىناسى, اسكەري جارعىلىق قارىم-قاتىناس, اسكەري ءبولىمدى ءوز ەركىمەن تاستاپ كەتۋ, كومانديرلەردىڭ تالاپتارىن ورىنداۋ تۋرالى اقتاۋ گارنيزونىنىڭ اسكەري پوليتسيا ءبولىمىنىڭ انىقتاۋ جانە ىزدەستىرۋ بولىمشەسىنىڭ اعا وفيتسەرى ادىلەت كاپيتانى مۇنال ەرنازاروۆ اقپارات بەردى.
