وتىرىستى اشقان قىرىمبەك كوشەرباەۆ مەملەكەتتىك رامىزدەر ءبىزدىڭ تاۋەلسىزدىگىمىزدىڭ باستى قۇندىلىعى بولىپ تابىلاتىنىن جانە ءۇش ونجىلدىق بويى قازاقستان حالقىنىڭ بىرلىگىن, تۇتاستىعىن جانە ازاماتتىق بىرەگەيلىگىن بەينەلەيتىنىن اتاپ ءوتتى.
مەملەكەتتىك حاتشى سونداي-اق, پرەزيدەنت تاپسىرماسىنا سايكەس مەملەكەتتىك رامىزدەردى پايدالانۋدى كەڭەيتۋدى كوزدەيتىن زاڭناما مەن نورماتيۆتىك اكتىلەرگە ءتيىستى وزگەرىستەر مەن تولىقتىرۋلار ازىرلەنگەنىن ايتتى.
وتىرىستا مادەنيەت جانە سپورت ءمينيسترى ا.رايىمقۇلوۆانىڭ مەملەكەتتىك رامىزدەر سالاسىنداعى زاڭناماعا وزگەرىستەر مەن تولىقتىرۋلار ەنگىزۋ, گەرالديكالىق زەرتتەۋلەر ورتالىعىنىڭ قىزمەتى تۋرالى, سونداي-اق يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ پەن اقمولا وبلىسىنىڭ اكىمى ە. مارجىقپاەۆتىڭ مەملەكەتتىك رامىزدەردى ناسيحاتتاۋ جانە پايدالانۋ بويىنشا جۇرگىزىلىپ جاتقان جۇمىستارى جونىندەگى باياندامالارى تىڭدالدى.
وتىرىس قورىتىندىسى بويىنشا قىرىمبەك كوشەرباەۆ مەملەكەتتىك رامىزدەر مەن گەرالديكا سالاسى بويىنشا, اتاپ ايتقاندا, وسى باعىتتاعى قۇقىق بۇزۋشىلىقتاردىڭ الدىن الۋدى كۇشەيتۋ, ۆەدومستۆولىق ناگرادالاردى وڭتايلاندىرۋ جونىندەگى جۇمىستى جالعاستىرۋ, مەملەكەتتىك رامىزدەردى ناسيحاتتاۋ جانە جاستارعا پاتريوتتىق تاربيە بەرۋدە قوعامدىق ۇيىمداردىڭ الەۋەتىن كەڭىنەن پايدالانۋ تۋرالى بىرقاتار ناقتى تاپسىرمالار بەردى. نۇر-سۇلتان, الماتى, شىمكەنت قالالارىنىڭ جانە وبلىستاردىڭ اكىمدەرىنە وڭىرلەردە مەملەكەتتىك رامىزدەردى ناسيحاتتاۋ ورتالىقتارىنىڭ ءتيىمدى قىزمەتىن قامتاماسىز ەتۋ, شالعاي اۋىلدىق وكرۋگتەردەگى وسى جۇمىسقا ەرەكشە نازار اۋدارۋ تاپسىرىلدى.
