«اتىراۋ وڭىرىندە قاستەرلى ءارى تاريحي ورىندار كوپ. سونىڭ ءبىرى – ەجەلگى سارايشىق قالاسى بوي كوتەرگەن جەر. التىن وردا زامانىندا ماڭىزدى ءرول اتقارعان شاھاردىڭ قازاقستان اۋماعىندا ورنالاسۋى تەگىن ەمەس. بۇل ءتول تاريحىمىزدىڭ تامىرى تەرەڭ ەكەنىن كورسەتەدى. ءبىزدىڭ بابالارىمىز قالا سالىپ, جاڭا مادەنيەتكە جول اشقان. ايگىلى سارايشىق – سونىڭ ايقىن دالەلى», دەدى پرەزيدەنت.
وسى ورايدا مەملەكەت باسشىسى مۇندا التىن وردا ءداۋىرىنىڭ حاندارى جانە قازاقتىڭ ۇلى حانى قاسىم حان جەرلەنگەنىن اتاپ ءوتتى.
«جالپى, ۇلان-بايتاق جەرىمىزدەگى كونە شاھارلاردى, مەملەكەتتىگىمىزدىڭ تاريحىندا ايرىقشا ورنى بار التىن وردانى جان-جاقتى زەرتتەپ, عىلىمي اقپاراتتىق جۇمىستاردى جۇيەلى جۇرگىزۋ كەرەك. سول ارقىلى ەلدىك شەجىرەمىزدى كەڭىنەن تانىتا الامىز. وسىنى جاس ۇرپاقتىڭ ساناسىنا ءسىڭىرۋىمىز كەرەك. سارايشىقتىڭ ماڭىزدىلىعى مەن تانىمالدىعىن ارتتىرۋ ءۇشىن زاماناۋي تۋريزم ينفراقۇرىلىمى قاجەت. اكىمدىك ۇكىمەتتەن ۆيزيت-ورتالىق قۇرىلىسىنا قاراجات سۇراعان ەكەن. بىراق كەلىسىمىن ءالى الماعان. ۇكىمەتكە وسى ماسەلەنى دەرەۋ شەشۋدى تاپسىرامىن», دەدى ق. توقاەۆ.
