«ساۋدا-ويىن ساۋىق ورتالىقتارىندا ۆاكتسيناتسيالاۋ جۇمىسىن ۇيىمداستىرۋ جاقسى تاجىريبە كورسەتىپ وتىر. وسى ارقىلى قالا تۇرعىندارىن قامتۋ كورسەتكىشى ارتىپ كەلەدى. العاشقى ۋاقىتتا تۇرعىندار ۆاكتسيناتسيادان ۇرەيلەنسە, قازىر جاعداي كەرىسىنشە, جۇرت ۆاكتسيناتسيالانعانداردىڭ قاتارىن بەلسەندى تۇردە تولىقتىرۋدا. مىسالى, «Mega Silk way»-دە مەديتسينا قىزمەتكەرلەرى 2 100-دەن استام ادامدى ۆاكتسيناتسيالادى. بۇل ءبىر عانا ورتالىقتىڭ كورسەتكىشى», دەيدى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا.
«Keruen» جانە «ابۋ-دابي پلازاداعى» جۇمىس ۋاقىتى الدىڭعى ەكى ورتالىققا ۇقساس, ياعني ساعات 10:00-دەن 22:00-گە دەيىن.
حالىقتى ۆاكتسيناتسيالاۋدى كەڭىنەن قامتۋ ءۇشىن قالا اكىمى التاي كولگىنوۆتىڭ تاپسىرماسى بويىنشا ەگۋ پۋنكتتەرىنىڭ سانى 36-دان 100-گە دەيىن, سونداي-اق جۇمىس ۋاقىتى 08:00-دەن 00:00-گە دەيىن, سوو-لاردا 10:00-دەن 22:00-گە دەيىن ۇزارتىلدى.
ەلوردالىقتار COVID-19 ۆاكتسيناسىن الۋعا بەلسەندى تۇردە نيەت بىلدىرگەندىكتەن قوعامدىق دەنساۋلىق ساقتاۋ باسقارماسى ەڭبەك ۇجىمدارىن جاپپاي ۆاكتسيناتسيالاۋ ءۇشىن كوشپەلى بريگادالار ۇيىمداستىرادى. ءتۇرلى كاسىپورىنداردا كۆي-عا قارسى ۆاكتسينا العىسى كەلەتىندەردىڭ سانى 1000 ادامعا جەتەدى.
بۇگىنگى كۇنى قالا بويىنشا 75 مىڭعا جۋىق ادام ۆاكتسيناتسيالاندى.
