رۋحانيات • 22 ءساۋىر، 2021

تىلەۋلى باتىردىڭ قانجارى

379 رەت كورسەتىلدى

بۇل كونە جادىگەر قوستاناي وبلىسى امانگەلدى اۋدانىنداعى، حالىق باتىرى امانگەلدى يمانوۆ اتىنداعى مەموريالدىق مۇراجايىندا تۇر. ونى مۋزەيگە تىلەۋلى باتىردىڭ ۇرپاعى، سوعىس جانە ەڭبەك ارداگەرى تايجان باتىربەكوۆ قاريا 1986 جىلى وتكىزىپتى.

مۇراجاي باسشىسى ساحان تولەنوۆتىڭ ايتۋىنشا، ايبىندى باتىردىڭ قانجارى XVIII عاسىرعا تيەسىلى، جاسالۋى دا ەرەكشە، تەحنيكاسى – مەتالل، اعاش، قۇيما بولىپ كەلەدى. ۇزىندىعى – 45،6 سم قۇرايدى. «تايجان اقساقال – تىلەۋلى باتىردان تارايدى. سوندىقتان قۇندى مۇرا ول كىسىگە ارعى اتالارىنان ميراس بولىپ قالىپتى»، دەيدى ول.

تىلەۋلى ءابدىراحمان ۇلى – 1723 جىلى تالاس وزەنى جانە بۇلانتى-بىلەۋتى، اڭى­را­­قايدا بولعان جوڭ­عار­لار­مەن شايقاستاردا قىپ­شاق قو­لىن باستاعان. با­تىر تۋرالى زاڭ­عار جازۋشى ءابىش كەكىل­باي ۇلى: «ۇزىن قىپشاق تى­لەۋلى ءابدىراحمان ۇلى جوڭعار قال­ماقتارىمەن بولعان شاي­قاستاردان كەيىنگى بەيبىت كە­زەڭدە دە بەس قارۋىن بەلىنەن شەشپەگەن. بۇل – سول كەزدەگى باتىرلاردىڭ ءبارىنىڭ باسىندا بولعان جايتتار. ول ەسەتپەن بىرگە ءجۇرىپ، ۇنەمى ەلدىڭ مازاسىن الىپ، ءجيى جاۋگەرشىلىككە ۇشىراتىپ وتىرعان قۇبا قال­ماقتارمەن، باشقۇرتتارمەن، نو­­عايلارمەن، تۇرىكمەندەرمەن، ورىس-كازاكتارىمەن شايقاسقان. با­بالارىمىزدىڭ سول قايسار­لىعى، ەرلىگى ارقاسىندا ماڭ­عىس­تاۋ تۇبەگى، جايىق بويى ماڭ­­­گى اتاقونىسىمىز بولىپ قال­دى» دەپ جازىپتى.

بابامىزدىڭ ۇرپاقتارى دا اتا داڭقىنا ساي بولعان. با­تىردىڭ كىندىگىنەن تاراعان ءبىر ۇلى، ابىلاي حاننىڭ بەدەل­دى كەڭەسشىلەرىنىڭ ءبىرى – نياز بي. ونىڭ زيراتى ەلوردا ىر­گە­سىندەگى تايتوبە اۋىلىندا ور­نالاسقان.سونىمەن بىرگە 1916 جىلعى تورعايداعى ۇلت-ازات­تىق كوتەرىلىس كوسەمدەرىنىڭ ءبىرى ابدىعاپار جانبوسىن ۇلى دا ەرەن ەردىڭ ۇرپاعى سانالادى.

تىلەۋلى بابامىز اقتوبە قا­لاسىنان 18 شاقىرىم جەردەگى بەستاماق دەگەن ەلدى مەكەندەگى تاما ەسەت باتىردىڭ جانىنا جەرلەنگەن.

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار