قازاقستان • 22 ءساۋىر، 2021

ەلباسى جانە قازاقستان حالقى اسسامبلەياسى

93 رەت كورسەتىلدى

بيىل ەل تاۋەلسىزدىگىنىڭ 30 جىلدىعىن اتاپ ءوتىپ جاتىرمىز. قيلى زاماندا بىردەن-ءبىر دۇرىس جولدى تاڭداي بىلگەن تۇڭعىش پرەزيدەنتىمىز – ەلباسى نۇرسۇلتان نازارباەۆتىڭ دانا ساياساتىنىڭ ساباقتاستىقپەن جالعاسىن تابۋىنىڭ، قازاقستاندى مەكەندەگەن ەتنوستاردىڭ سىن كەزەڭدەردە شىڭدالعان بىرلىگى مەن تاتۋلىعىنىڭ ارقاسىندا شاڭىراعىمىز شايقالماي، وتىز جىل بويى ەلىمىزدە ۇشان-تەڭىز يگى ىستەر اتقارىلدى.

«تورتەۋ تۇگەل بولسا، توبەدەگى كەلەدى»

«جىگەرلى بولسا ەر بولار، بىرلىكتە بولسا ەل بولار» دەپ ايتقان جامبىل اتامىزدىڭ ءسوزىنىڭ ايعاعى – حالقىمىزدىڭ ىنتىماق پەن بىرلىكتە، ءبىر اتانىڭ بالاسىنداي ءومىر ءسۇرىپ جاتقاندىعى. قوعامدىق كەلىسىم مەن تولەرانتتىلىقتى نىعايتۋعا بارشا ەتنوس وكىلدەرى جۇمىلدىرىلىپ، ەلىمىزدىڭ دامۋى  باعىتىندا وراسان زور قىزمەت اتقاردى.

مىندەتى مەن ماقساتى ايقىن قازاقستان حالقى اسسامبلەياسى ەلىمىزدىڭ ىنتىماعى مەن تاتۋلىعىن، بىرلىگىن نىعايتۋعا، ءبىر شاڭىراق استىندا ايرانداي ۇيىپ، تۇراقتىلىق پەن ورنىقتى دامۋىمىزعا سۇبەلى ۇلەسىن قوسىپ كەلەدى. وسى ورايدا قازاقستان حالقى اسسامبلەياسى مەملەكەتتىك ورگاندارمەن بىرلەسە وتىرىپ، قوعامداعى ەتنوسارالىق كەلىسىمدى جانە تولەرانتتىلىقتى دامىتىپ قانا قويماي، ەكسترەميزم مەن راديكاليزم كورىنىستەرىنە قارسى ارەكەت، ازاماتتاردىڭ ساياسي قۇقىقتارىن  قالىپتاستىرۋعا كومەك كورسەتۋ، سونداي-اق قازاقستان حالقىنىڭ ۇلتتىق مادەنيەتى، تىلدەرى مەن داستۇرلەرىنىڭ وركەندەۋىن، ساقتالۋىن، دامۋىن قامتاماسىز ەتۋدى باستى نازاردا ۇستاپ وتىر.

تولەرانتتىلىق دەگەن عىلىمي ۇعىمنىڭ ءمانىن قازاق «كەڭ بولساڭ، كەم بولمايسىڭ» دەگەن ءبىر عانا ماقالعا سىيعىزعان. بۇگىندە ەلىمىزدىڭ بارلىق ايماعىندا ءتۇرلى ەتنوستاردىڭ ەتنو-مادەني ورتالىقتارى جۇمىس ىستەيدى. قازاقتىڭ كەمەڭگەر جازۋشىسى مۇحتار اۋەزوۆتىڭ «ەل بولامىن دەسەڭ، بەسىگىڭدى تۇزە» دەگەن دانا ءسوزىن ساناما ءتۇيىپ،  قازاقستان حالقى اسسامبلەياسىنىڭ مۇشەسى، سونداي-اق ء«ۇمىت» بالالار ءۇيىنىڭ ديرەكتورى رەتىندە بالا تاربيەسىن ازاماتتىق بورىشىم دەپ بىلەمىن. كوپەتنوستى مەملەكەتتە ءومىر سۇرەتىن بالالارعا تاربيە بەرۋدە ولاردىڭ بويىنداعى وزگە ەتنوستاردى سىيلاۋ، ولاردىڭ مادەنيەتىن قۇرمەتتەۋ، ىسكەرلىك قارىم-قاتىناس پەن جالپى ادامي ماسەلەلەردى شەشۋ سياقتى جاعىمدى ادەتتەردى قالىپتاستىرۋ كەرەك. سونىمەن قاتار، ءتۇرلى مادەنيەتتى تانىپ بىلۋگە شاقىرىپ، ابايدىڭ «ادامزاتتىڭ ءبارىن ءسۇي، باۋىر­ىم دەپ» دەگەن قاعيداسى نەگىزىندە، ولاردىڭ بويلارىنا باسقا حالىقتارمەن دوستاسا الاتىن داعدىلار مەن مىنەز-ق ۇلىقتاردى ءسىڭىرۋ كەرەك دەپ
ويلايمىن.

ءبىز بۇگىندە قازاقستاندا ءتۇرلى ەتنوس وكىلدەرى كەلىسىم مەن بەيبىتشىلىكتە ءومىر ءسۇرىپ جاتقاندىعىن ماقتان ەتەمىز. بۇل وسكەلەڭ ۇرپاقتى ەتنوسارالىق تاتۋلىققا تاربيەلەۋدىڭ ارقاسىندا قول جەتكىزگەن جەتىستىگىمىز. مىسالى، ء«ۇمىت» بالالار ۇيىندە 11 ەتنوستىڭ بالالارىن تاربيەلەپ ءجۇرمىز. مۇندا ءار ەتنوستىڭ بالالارىنىڭ باسىن بىرىكتىرەتىن بالالار اسسامبلەياسى قۇرىلعان. بالالار دوستىق ءۇيى جانىنان قۇرىلعان جەكسەنبىلىك مەكتەپتە ءوز ەتنوستارىنىڭ ادامدارىمەن قارىم-قاتىناس جاساپ، تۋعان تىلدەرىن ۇيرەنىپ، سالت-ءداستۇر، ادەت-عۇرىپتارىمەن تانىسۋعا زور مۇمكىندىك الدى. دوستىق ءۇيىنىڭ ءتۇرلى ەتنوس وكىلدەرى بالالار ۇيىنە جۇيەلى تۇردە كەلىپ، مەرەكەلەر مەن فەستيۆالدار وتكىزەدى.

1 مامىر – قازاقستان حالقىنىڭ بىرلىگى كۇنىنە وراي مەرەكەلىك شارالار وتكىزۋ داستۇرگە اينالعان. بۇل كۇنى ۇلتتىق تاعامدار دايىندالىپ، ۇلتتىق كيىمدەر كيىلىپ، ءار تىلدە ءان شىرقالىپ، بي بيلەنىپ، ۇلتتىق سالت-داستۇرلەر كورسەتىلەدى. مۇنىڭ بارلىعى ءار بالانىڭ ساناسىنا ءوز حالقىنا دەگەن قۇرمەت پەن ماقتانىش سەزىمىن ۇيالاتىپ، ولاردى وزگە ەتنوس وكىلدەرىن قۇرمەتتەۋگە باۋليتىنى ءسوزسىز.

حالىقتىڭ اۋىزبىرشىلىگى بولسا، الىنبايتىن قامال جوق. «التاۋ الا بولسا اۋىزداعى كەتەدى، تورتەۋ تۇگەل بولسا توبەدەگى كەلەدى». ءبىزدىڭ بىرلىگىمىز – قازاقستاننىڭ يگىلىگى!

 

ماريا بەيسەقانوۆا،

قازاقستان حالقى اسسامبلەياسىنىڭ مۇشەسى، شىعىس قازاقستان وبلىستىق ءبىلىم باسقارماسىنىڭ ء«ۇمىت» بالالار ءۇيى كمم ديرەكتورى

 

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار