قايرات كەلىمبەتوۆ اقوردادا مەملەكەت باسشىسىنىڭ توراعالىعىمەن وتكەن رەفورمالار جونىندەگى جوعارعى كەڭەس وتىرىسىندا: ء«اربىر جوبا ازىرلەۋ بارىسىندا ۇلتتىق ەكونوميكا مينيسترلىگى تاراپىنان ەكونوميكالىق نەگىزدىلىگىنە, قارجى مينيسترلىگى تاراپىنان قارجى رەسۋرستارىمەن قامتاماسىز ەتىلۋىنە, ستراتەگيالىق جوسپارلاۋ جانە رەفورمالار اگەنتتىگى تاراپىنان مەملەكەتتىك جوسپارلاۋ جۇيەسىنىڭ جوعارعى قۇجاتتارىنا سايكەستىگىنە باعالانادى», دەپ ايتتى.
اگەنتتىك باسشىسىنىڭ اتاپ وتۋىنشە, ودان ءارى جوبا ۇكىمەتپەن كەلىسىلگەننەن كەيىن پرەزيدەنت اكىمشىلىگىنىڭ قاراۋىنا جانە پرەزيدەنت جانىنداعى جوعارعى كەڭەستىڭ ماقۇلداۋىنا ءارى بەكىتۋنە ەنگىزىلەتىن بولادى. ۇلتتىق جوبا جوعارىدا اتالعان كەلىسۋدىڭ بارلىق كەزەڭىنەن وتكەننەن كەيىن ۇكىمەت قاۋلىسىمەن زاڭدى تۇردە بەكىتىلەدى.
«بۇعان قوسا, جوبالار ەل پارلامەنتىنىڭ دەپۋتاتتىق كورپۋسىمەن دە تالقىلانۋى ءتيىس. بۇل بيۋدجەتتىك پروتسەستەر اياسىنداعى ءوزارا ءىس-قيمىلدى ۇيلەستىرۋدى قامتاماسىز ەتۋگە مۇمكىندىك بەرەدى», دەدى قايرات كەلىمبەتوۆ.
