ەلىمىزدەگى سالىق ساياساتىن جەتىلدىرۋ پەرسپەكتيۆالارى, كورپوراتيۆتىك سالىق سالۋدىڭ جاھاندىق ستراتەگيالارى جانە ولاردىڭ قولايلى ينۆەستيتسيالىق احۋالدى قالىپتاستىرۋداعى ءرولى تۋرالى قازاقستاندا اككرەديتتەلگەن كانادا ەلشىسى نيكوليا برۋسسو, ەۋروپالىق وداق ەلشىسى سۆەن-ولوۆ كارلسسون, اقش ىستەرىندەگى ۋاقىتشا سەنىمدى وكىل تەودور لينگ, ۇلىبريتانيا ىستەرىندەگى ۋاقىتشا سەنىمدى وكىل دجوناتان لەيفيلد, سونداي-اق EY, Exxon Mobil, Deloitte جانە ت. ب. كومپانيالاردىڭ وكىلدەرى بايانداما جاسادى. قازاقستان تاراپىنان ۇلتتىق ەكونوميكا ءمينيسترى اسەت ەرعاليەۆ پەن قارجى ۆيتسە-ءمينيسترى قانات باەدىلوۆ تۇسىنىكتەمە بەردى.
شەتەلدىك وكىلدەر قازاقستاننىڭ سالىقتىق اكىمشىلەندىرۋ رەفورماسىن جۇرگىزۋ بويىنشا قابىلداپ جاتقان شارالارىنا وڭ باعا بەردى, سونداي-اق قر فيسكالدىق جۇيەسىن ودان ءارى جاڭعىرتۋ بويىنشا بىرقاتار ۇسىنىستار ايتتى.
«2021 جىلدىڭ ءبىرىنشى توقسانىندا قر ەكونوميكاسىنىڭ ناقتى سەكتورى قارقىندى دامىدى. ءوسىم وڭدەۋ ونەركاسىبىندە (+7,5%), قۇرىلىستا (+13,1%) جانە اۋىل شارۋاشىلىعىندا (+2,8%) بايقالدى. نەگىزگى كاپيتالعا سالىنعان ينۆەستيتسيالاردىڭ ءوسۋى تاۋ-كەن ءوندىرىسىن ەسەپكە الماعاندا 34% قۇرادى. ساۋدا مەن كولىك سالاسىن قوسا العاندا, كورسەتىلەتىن قىزمەتتەر سەكتورىندا دا وڭ ديناميكا بايقالادى», دەدى ا. مامين.
پرەمەر-مينيستر ۇكىمەتتىڭ داعدارىسقا قارسى قابىلداعان شارالارى ناتيجەسىندە حۆق-نىڭ الەمدىك ەكونوميكاعا ءساۋىر ايىندا جاساعان شولۋىندا 2021 جىلى قازاقستاننىڭ ءجىو ءوسىمىنىڭ بولجامى 3,0%-دان 3,2%-عا دەيىن جاقسارعانىن اتاپ ءوتتى. Moody's, Fitch جانە Standard&Poor's جەتەكشى رەيتينگ اگەنتتىكتەرى دە پاندەمياعا دەيىنگى رەيتينگتەردى راستادى جانە قازاقستان ەكونوميكاسىنىڭ دامۋىندا 3,2-3,8% ارالىعىنداعى وڭ بولجامىن جاسادى.
«رەفورمانىڭ ناتيجەسىندە سالىق جۇيەسى نەعۇرلىم يكەمدى بولادى جانە قازاقستان ەكونوميكاسىنا ىشكى جانە سىرتقى ينۆەستيتسيالاردى تارتۋ كولەمىن ودان ءارى ارتتىرۋعا ىقپال ەتەدى. ءبىز قازاقستاننىڭ ايقىن ءارى اشىق سالىق جۇيەسى بار سەنىمدى جانە بولجامدى مەملەكەت رەتىندەگى حالىقارالىق ۇستانىمىن ودان ءارى نىعايتۋىمىز كەرەك», دەپ تۇيىندەدى ا. مامين.
