قوعام • 21 ءساۋىر، 2021

نۇر-سۇلتاندا الەۋمەتتىك از قامتىلعان توپتارعا قانداي كومەك كورسەتىلەدى؟

15 رەت كورسەتىلدى

ەلوردادا حالىقتىڭ الەۋمەتتىك وسال توپتارىن مەملەكەتتىك قولداۋ شارالارى جايلى جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى باقتيار عاريفۋللين ءتۇسىندىرىپ ءوتتى، دەپ حابارلايدى Egemen.kz نۇر-سۇلتان اكىمدىگىنىڭ رەسمي سايتىنا سىلتەمە جاساپ.

بۇگىندە ەلوردالىق جۇمىسپەن قامتۋ جانە الەۋمەتتىك قورعاۋ باسقارماسى 19 مەملەكەتتىك قىزمەت ءتۇرىن كورسەتەدى. جىل سايىن ەلوردادا 160 مىڭنان استام ازامات الەۋمەتتىك قولداۋمەن قامتىلادى. ولاردىڭ قاتارىندا جاسى بويىنشا زەينەتكەرلەر، ۇلى وتان سوعىسىنىڭ ارداگەرلەرى، مۇگەدەك بالالار، كوپبالالى وتباسىلار، التىن القا جانە كۇمىس القا العان انالار، سونداي-اق الەۋمەتتىك از قامتىلعان ازاماتتار بار.

«مەرەكەلىك جانە اتاۋلى كۇندەرى بىرجولعى اقشالاي تولەم تۇرىندە الەۋمەتتىك كومەك كورسەتىلەدى. كومەكتىڭ بۇل ءتۇرىن شامامەن 140 مىڭ قالا تۇرعىنى الادى. 120 مىڭنان استام ادام جەرگىلىكتى ورگانداردىڭ شەشىمى بويىنشا تەگىن قىزمەت الادى. ناقتىراق ايتقاندا الەۋمەتتىك كومەك، جوعارى وقۋ ورىندارىنىڭ وقۋ اقىسىن تولەۋ، قاتتى وتىن ساتىپ الۋعا، گازداندىرۋدى قوسۋعا الەۋمەتتىك كومەك، اۋىز قۋىسىن پروتەز الدى تەگىن ساناتسيالاۋ جانە ءتىس پروتەزدەۋ. 19-23 ءساۋىر ارالىعىندا جاسى بويىنشا زەينەتكەرلەردى، مۇگەدەكتىگى بار ادامداردى، ااك الۋشىلار قاتارىنداعى كوپبالالى وتباسىلاردى جانە وسى قىزمەتتى الۋ ءۇشىن ەرەكشە قاجەتتىلىكتەرى بار بالالاردى تاربيەلەپ وتىرعان اتا-انالاردى تىركەۋ جۇرگىزىلەدى»، دەدى ب. عاريفۋللين.

ءتىس پروتەزدەۋگە مىنا تەلەفون نومىرلەرى بويىنشا جازىلۋعا بولادى: الماتى اۋدانى – 37 03 92، بايقوڭىر اۋدانى – 38 22 45، ەسىل اۋدانى – 31 32 08، سارىارقا اۋدانى – 39 79 49.

سونىمەن قاتار انا مەن بالانى الەۋمەتتىك قولداۋعا ەرەكشە كوڭىل بولىنەدى. ەلوردادا 25 مىڭعا جۋىق كوپبالالى وتباسى تۇرادى، ونىڭ 19 مىڭى — ءتورت جانە ودان دا كوپ كامەلەتكە تولماعان بالالارى بار وتباسىلار. بەس مىڭ انا التىن القا جانە كۇمىس القالارمەن ماراپاتتالدى.

سپيكەر 2020 جىلدان باستاپ كوپبالالى انالاردى قولداۋ ماقساتىندا كوپبالالى وتباسىلار بويىنشا ارنايى مەملەكەتتىك جاردەماقى ەنگىزىلگەنىن ەسكە سالدى. بۇگىنگى تاڭدا ەلوردادا كومەكتىڭ بۇل ءتۇرىن 19 مىڭنان استام وتباسى الادى. سونداي-اق ولار قوعامدىق كولىكتەردە تەگىن ءجۇرۋ، مەكتەپ اسحانالارىندا تاماقتانۋ، جازعى لاگەرلەردە دەمالۋ، ءتىس پروتەزدەۋ، قاتتى وتىن ءۇشىن وتەماقى الادى.

بۇگىنگى تاڭدا نۇر-سۇلتاندا ااك-ءتى 3700-دەن استام وتباسى الادى. بۇل وتباسىلاردا 17 مىڭنان استام ادام بار.

«1 ناۋرىزدان باستاپ ەلەكتروندىق ۇكىمەت پورتالىندا پيلوتتىق رەجيمدە ونلاين فورماتتا ااك الۋ قىزمەتى ىسكە قوسىلدى. 1 ساۋىردەن باستاپ كومەكتىڭ بۇل تۇرىنە ءۇش مىڭنان استام ءوتىنىش ءتۇستى. بۇگىنگى تاڭدا 1 500 وتباسىعا تاعايىندالدى. سونداي-اق 2020 جىلدىڭ 1 ساۋىرىنەن باستاپ ەنگىزىلگەن كەپىلدەندىرىلگەن الەۋمەتتىك پاكەت سياقتى الەۋمەتتىك قولداۋ شاراسى قاراستىرىلعان. بۇگىنگى كۇنى كومەكتىڭ بۇل ءتۇرى ااك الاتىن وتباسىلار قاتارىنداعى 1 جاستان 6 جاسقا دەيىنگى بالالارعا كورسەتىلەدى. قازىر 6 مىڭنان استام پاكەت بەرىلدى – بۇل 3 750 وتباسى»، دەدى باسقارما باسشىسىنىڭ ورىنباسارى.

ول سونداي-اق مۇگەدەك ادامداردى الەۋمەتتىك قورعاۋ ماسەلەسىن ءتۇسىندىرىپ بەردى. قازىرگى ۋاقىتتا ەلوردادا مۇمكىندىگى شەكتەۋلى 28 مىڭنان استام ادام تۇرادى.

مۇگەدەك ادامدارعا كورسەتىلەتىن وڭالتۋ قىزمەتتەرىن التى مىڭنان استام ادام الادى.

«2020 جىلدان باستاپ مۇگەدەك ادامدار ءۇشىن الەۋمەتتىك قىزمەتتەر پورتالى ىسكە قوسىلدى. وڭالتۋ قۇرالدارىن وزدەرى تاڭدايدى، جەكە وڭالتۋ باعدارلاماسىنا سايكەس قاجەتتى قىزمەتتەرگە تاپسىرىس بەرەدى. ال ولاردىڭ ءبارى ۇيىنە جەتكىزىلەدى. بۇل وتە ىڭعايلى. بارلىعى 12 مىڭعا جۋىق قىزمەتكە تاپسىرىس بەرىلدى، قالادا 18 وزىنە-ءوزى قىزمەت كورسەتۋ ايماعى بار، وندا ۇيدە كومپيۋتەرى جوق تۇلعالار ەتسق ارقىلى قاجەتتى قىزمەتكە تاپسىرىس بەرە الادى»، دەپ ءتۇسىندىردى ب. عاريفۋللين.

بۇگىندە ەلوردادا مۇمكىندىگى شەكتەۋلى جاندار ءۇشىن 2 زاماناۋي سپورت كەشەنى – پاراليمپيادالىق جاتتىعۋ ورتالىعى جانە «تارلان» مۇز ايدىنى جۇمىس ىستەيدى.

سوڭعى جاڭالىقتار

بالۋان شولاقتىڭ دومبىراسى

ونەر • بۇگىن، 09:00

جازعا سالەم جولدايىق

ونەر • بۇگىن، 08:55

جىلقىشى اۋىلدىڭ جاقسىلىعى

ايماقتار • بۇگىن، 08:54

قانمەن جازىلعان كارتينالار

تاريح • بۇگىن، 08:45

ستۋدەنتتەردىڭ ءسوز سايىسى

ونەر • بۇگىن، 08:41

وڭتايلى ونلاين اۋكتسيون

تەحنولوگيا • بۇگىن، 08:35

قولدى بولىپ جاتقان قاراۋسىز مال

ايماقتار • بۇگىن، 08:30

براكونەرگە بۇعاۋ بولماي ما؟

ايماقتار • بۇگىن، 08:28

2021 جىل – قالپىنا كەلۋ كەزەڭى

كوروناۆيرۋس • بۇگىن، 08:25

كيىك كۇيىك پە؟

ەكولوگيا • بۇگىن، 08:18

قاۋىپتىڭ بەتىن ۆاكتسينا قايتارادى

مەديتسينا • بۇگىن، 08:15

«وسىعان دەيىن نەگە بىرىكپەدى؟»

مەديتسينا • بۇگىن، 08:13

قورقىنىشتى سەيىلتۋ قۇرالى

مەديتسينا • بۇگىن، 08:11

ءۇي سالعانعا – ۇلكەن كومەك

قوعام • بۇگىن، 08:05

بارتيمەن شەبەرلىك بايقاستى

تەننيس • بۇگىن، 08:05

«جىگىتتەر بار نارقاسقا...»

سپورت • بۇگىن، 07:59

ەكونوميكا دامۋ جولاعىنا شىقتى

ەكونوميكا • بۇگىن، 07:58

تۇركىستاننىڭ جاڭا ءداۋىرى

قوعام • بۇگىن، 07:55

ۇقساس جاڭالىقتار