قوعام • 21 ءساۋىر، 2021

دەپۋتات مۇعالىم مەن دارىگەردەن وزگە قىزمەتكەردىڭ دە جالاقىسىن كوتەرۋدى ۇسىندى

54 رەت كورسەتىلدى

قازاقستاندا الەۋمەتتىك سالانىڭ كومەكشى جانە تەحنيكالىق قىزمەتكەرلەرىنىڭ جالاقىسىن كوتەرۋ ۇسىنىلدى،  دەپ حابارلايدى Egemen.kz Tengrinews.kz سايتىنا سىلتەمە جاساپ. 

مۇنداي ساۋالدى قر پارلامەنتى ءماجىلىسىنىڭ دەپۋتاتى ماقسات رامانقۇلوۆ ۇسىندى. دەپۋتاتتىڭ ايتۋىنشا، ەلىمىزدە كەيىنگى جىلدارى تەك مۇعالىمدەر مەن دارىگەرلەردىڭ جالاقىسىن كوتەرۋ ماسەلەسى عانا ايتىلىپ كەلەدى.

«پاندەميا كەزىندە «پەداگوگ مارتەبەسى تۋرالى» زاڭ قابىلدانىپ، دارىگەرلەرگە قوسىمشا تولەمدەر ەنگىزىلدى. جىل سايىن مۇعالىمدەر مەن دارىگەرلەردىڭ جالاقىسى 20-30 پايىزعا ارتىپ كەلەدى، مۇنىڭ ءبارى وتە ورىندى، ءبىز ريزاشىلىعىمىزدى بىلدىرەمىز جانە وسىنداي كوزقاراستى ءاردايىم قولدايمىز. الايدا، وسى سەكتورلاردىڭ قاتارداعى قىزمەتكەرلەرى، ياعني سانيتارلار، اسسيستەنتتەر، ەدەن جۋشىلار، جەدەل جاردەم جۇرگىزۋشىلەرى، مۇراجاي، ونەر، مەكتەپ، بالاباقشا، كىتاپحانا، مۇراعات سالاسىنداعى وزگە دە قىزمەتكەرلەر ولاردىڭ ارىپتەستەرى ءۇشىن مەملەكەت جىل سايىن جالاقىنى كوبەيتسە، ال سول سالالارداعى تەحنيكالىق قىزمەتكەرلەردىڭ جالاقىسى كوپتەگەن جىل بويى وزگەرىسسىز قالادى دەگەن شاعىمدارمەن ءجيى جۇگىنەدى»، دەدى ول ءماجىلىس وتىرىسىندا.

رامانقۇلوۆتىڭ سوزىنە قاراعاندا، ەلىمىزدەگى الەۋمەتتىك سالانىڭ كومەكشى جانە تەحنيكالىق قىزمەتكەرلەرىنىڭ ورتاشا جالاقىسى 50-70 مىڭ تەڭگە ارالىعىندا.

«ماسەلەن، ءبىز بۇگىنگى كۇنى «رۋحاني جاڭعىرۋ» باعدارلاماسى تۋرالى ءجيى ايتامىز جانە وسى باعىتتا اشارشىلىق پەن قۋعىن-سۇرگىن قۇرباندارىن اقتاۋ بويىنشا جۇمىستار جالعاسىپ جاتىر. بۇل قىزمەتتەگى نەگىزگى جۇكتەمە مۇراعات، مۇراجاي جانە كىتاپحانا قىزمەتكەرلەرىنە، تاريحشىلارعا، ونەرتانۋشىلارعا جانە باسقا دا ماماندارعا جۇكتەلەدى. سونىمەن قاتار، وسى سالاداعى ورتا بۋىن قىزمەتكەرلەرىنىڭ جوعارى ءبىلىمى بار قىزمەتكەرلەردىڭ ورتاشا جالاقىسى شامامەن 60 مىڭ تەڭگەنى قۇرايدى. جەدەل جاردەم جۇرگىزۋشىلەرىنىڭ جالاقىسى شامامەن 70-75 مىڭ تەڭگە جانە بەس جىلدان اسا ۋاقىت بويى كوتەرىلگەن جوق، مەكتەپتەر مەن بالاباقشالاردىڭ تەحنيكالىق قىزمەتكەرلەرىنىڭ جالاقىسى - شامامەن 50 مىڭ تەڭگە»،  دەدى دەپۋتات.

وسىعان بايلانىستى رامانقۇلوۆ قازاقستاندا الەۋمەتتىك سالانىڭ كومەكشى جانە تەحنيكالىق قىزمەتكەرلەرىنىڭ جالاقىسىن كوتەرۋدى اقجول فراكتسيا دەپۋتتاتارىنىڭ اتىنان ۇسىندى.

«نەلىكتەن ءبىزدىڭ وسى سالاداعى ماماندارىمىز قينالۋى كەرەك، ولاردىڭ دا كوپتەگەن پروبلەماسى بار ەمەس پە، ولار دا ءبىزدىڭ مەملەكەتىمىزدىڭ ازاماتتارى عوي؟! مەنىڭ بىلۋىمشە، وسى ازاماتتاردىڭ 90 پايىزىنىڭ شاعىن نەسيەلەرى بار، قارىزعا بەلشەسىنەن باتقان، شىعارماشىلىق تۋىندىلارىن شىعارۋعا قاراجاتى جوق، ۇكىمەت تاراپىنان ناقتى كومەك تە جوق»،  دەدى دەپۋتات.

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

ۇقساس جاڭالىقتار