ءبىز بۇعان دەيىن قىزدارىمىزدىڭ ەكەۋى فينالعا شىعىپ, ۇشەۋى اقتىق سىنعا جولداما العانى جايىندا جازعان ەدىك.
كەشكى باعدارلامادا ۇلدار كۇش سىناستى. العاشقى بولىپ رينگكە اسا جەڭىل سالماقتاعى سانجار تاشكەنباي كوتەرىلدى. ول ءۇندىستاندىق بيشۆاميترا چونگتامنى جەڭدى.
كوماندالىق ارىپتەسىنىڭ جەڭىستى جولىن 56 كيلو سالماقتاعى ەربولات سابىر جالعاستىردى. قانداسىمىز ەۋروپا بىرىنشىلىگىنىڭ جەڭىمپازى دەگەن اتاعى بار رەسەيلىك الەكسەي شەندريككە شاڭ قاپتىرىپ كەتتى.
60 كيلو سالماقتاعى ەلنۇر ءسۇيىنباي دا ەل سەنىمىن اقتادى. ول كولۋمبيالىق دجون وروبيونى جولىنان ىعىستىردى.
64 كيلو سالماقتا سايىسقا تۇسكەن سابىرجان اققالىقوۆتىڭ ايدارىنان جەل ەستى. جالىندى جاس ۇندىستاندىق انكيت نارۆالدى ەش قينالماي ۇتتى.
75 كيلو سالماقتاعى دياس مولجىگىتوۆ پەن رەسەيلىك ميحايل ۋسوۆ اراسىنداعى جەكپە-جەك وتە تارتىستى ءوتتى. العاشقى راۋندا دياس 1:4 ەسەبىمەن ۇتىلعانىمەن, كەلەسى راۋندا قارقىنىن كۇرت كۇشەيتتى – 5:0. باسەكەنى سوڭعى بولىگى دە وتە قارقىندى ءوتتى. تورەشىلەر ءبىراز ويلانا-تولعانا كەلە ەۋروپا بىرىنشىلىگىندە كۇمىس مەدالدى يەلەنگەن بوكسشىنىڭ قولىن كوتەردى.
وسىلايشا, قازاقستاننىڭ ۇلدار قۇراماسىنىڭ ءتورت بىردەي مۇشەسى فينالدىق سايىستا كۇش سىناسۋ قۇرمەتىنە يە بولدى.
