مىسالى, سايرام اۋدانىندا جەرگىلىكتى كاسىپكەر ءومىرحان ورازىمبەتوۆءتىڭ بيزنەستەگى باعىتىن وزگەرتۋگە پاندەميا سەبەپشى بولدى.
وتكەن جىلى تويحانا سالعان كاسىپكەردىڭ عيماراتى بۇكىل الەمدى جايلاعان پاندەمياعا بايلانىستى جيىن-توي وتكىزۋگە شەكتەۋلەر قويىلعان سوڭ, بوس تۇرعان-دى. ەندى تويحانا زامان تالابىنا ساي سپورت كەشەنى رەتىندە جاساقتالىپ, تۇرعىنداردىڭ يگىلىگىنە قىزمەت ەتۋدە. قازىر «دوستىق» سپورت كەشەنىندە 200 بالا سپورتتىڭ بەس ءتۇرى بويىنشا تەگىن جاتتىعادى. مۇندا تاەكۆوندو, دزيۋدو, سامبو, كاراتە جانە گيمناستيكا ۇيىرمەلەرى جۇمىس ىستەيدى. سەگىز بىلىكتى باپكەر بالالاردى سپورتقا باۋليدى. ەكىنشى قاباتىندا ەرەسەكتەرگە ارنالعان زال بار.
سايرام اۋدانىنىڭ سپورت ءبولىمى ماماندارىنىڭ مالىمەتىنشە, سالاۋاتتى ءومىر سالتىن ۇستاناتىن اۋىل جاستارى بوس ۋاقىتىن وسىندا وتكىزەدى.
