ەلوردا • 20 ءساۋىر، 2021

وتە ىڭعايلى. ەلوردالىقتار گازداندىرۋدىڭ ارتىقشىلىعى تۋرالى ايتتى

6 رەت كورسەتىلدى

نۇر-سۇلتاندا گازداندىرۋ جۇمىستارى بەلسەندى جۇرگىزىلۋدە. ەلوردانىڭ تۇرعىن ءۇي الاپتارىندا 345 كم ورامىشىلىك گاز تاراتۋ جەلىلەرى سالىندى، دەپ حابارلايدى Egemen.kz قالا اكىمىنىڭ ءباسپاسوز قىزمەتىنە سىلتەمە جاساپ.

ەگەر وتكەن جىلىتۋ ماۋسىمىندا (2020-2021 ج) جەلەزنودوروجنىي، كوكتال-2، اگروقالاشىق بولىگى تۇرعىن الاپتارىنا گازعا قوسىلۋ مۇمكىندىگىن جاسالسا، جاڭا جىلىتۋ ماۋسىمىندا ەلوردانىڭ تاعى ءتورت تۇرعىن الابى گازعا قوسىلماق. وڭتۇستىك-شىعىس، جەلەزنودوروجنىي، كوكتال-1، اگروقالاشىق (2020 جىلى گازعا قوسىلماعان بولىگى) تۇرعىن الاپتارىنا گاز تارتۋ جەلىلەرىنىڭ قۇرىلىسى جۇرگىزىلۋدە.

سونىمەن قاتار، جاڭا جىلىتۋ ماۋسىمىندا «قازترانسگاز ايماق» اق كۇيگەنجار، ميچۋرينو، ينتەرناتسيونالنىي ەلدى مەكەندەرىن گازعا قوسۋدى جوسپارلاپ وتىر.

«بيىل بىزدە كەرەمەت وزگەرىس بولدى. گاز تارتىلدى. كوبىسى سەنبەپ ەدى. ءىس جۇزىندە ءبارى جىلدام ءوتتى. قىستىڭ ورتاسىندا گازعا قوسىلىپ ۇلگەردىك. وتە ىڭعايلى. 24/7 ۇيدە وتىرۋدىڭ قاجەتى جوق، كومىر ساقتاۋ، ونىڭ ساپاسى، كۇل شىعارۋ سەكىلدى قيىندىقتارىن ويلاپ كورىڭىز. ەلوردانى گازداندىرۋ بىزگە ەلباسىنىڭ ارقاسىندا كەلدى»، دەپ اتاپ ءوتتى ۇسىپبەك بەيىمبەتتىڭ وتباسى.

ەلوردا اكىمدىگى قالا تۇرعىندارى ءۇشىن الەۋمەتتىك كومەكتىڭ ءتۇرلى تەتىكتەرىن ەنگىزدى: جەكە سەكتور تۇرعىندارى ءۇشىن تەگىن نەگىزدە ەسەپتەگىشتەر قاراستىرىلدى. سول سياقتى «Halyk bank» اق «ECOJER» قاۋىمداستىعىمەن بىرلەسىپ، قالا تۇرعىندارىنا ۇيلەردى گازعا قوسۋ ءۇشىن پايىزسىز نەسيە بەرۋ ۇيىمداستىرىلدى.

سونداي-اق گازداندىرۋ باستالعان ساتتەن باستاپ الەۋمەتتىك از قامتىلعان وتباسىلاردىڭ گازعا كوشۋى بويىنشا كومەك كورسەتۋ تەتىگى ەنگىزىلدى. جەكەمەنشىك ءۇيى بار زەينەتكەرلەرگە، مۇمكىندىگى شەكتەۋلى ەرەسەكتەرگە/كامەلەتكە تولماعاندارعا، كوپبالالى انالارعا جانە كوپبالالى وتباسىلارعا بىرجولعى الەۋمەتتىك كومەك بەرىلەدى. نەگىزگى تالاپ — وزىندە جانە وتباسى مۇشەلەرىندە باسقا ءۇيىنىڭ بولماۋى جانە ءتورت ەڭ تومەن كۇنكورىس دەڭگەيىنەن اسپايتىن جان باسىنا شاققانداعى ورتاشا تابىستىڭ بولۋى (153 872 تەڭگە).

وسى ساناتتاردىڭ گازعا قوسىلۋى ءۇشىن

90 اەك – 262 مىڭ 530 تەڭگە مولشەرىندە اقشالاي كومەك بولىنەدى. الەۋمەتتىك كومەكتىڭ وسى ءتۇرىن الۋعا ءوتىنىمدى ەلەكتروندىق ۇكىمەت پورتالى egov.kz («ەلەكتروندىق وتىنىشتەر» — «قىزمەتكە ونلاين تاپسىرىس بەرۋ») ارقىلى قالدىرۋعا بولادى.

سونىمەن قاتار، وتكەن جىلى گاز ءتاريفى تومەندەتىلدى. گازدىڭ ءبىر تەكشە مەترىنىڭ باعاسى 45 تەڭگەدەن 34،6 تەڭگەگە دەيىن تومەندەدى (بۇرىن ءبىر تەكشە مەتر ءۇشىن 60 تەڭگە بەلگىلەۋ بولجانعان بولاتىن).

قالانى گازداندىرۋ ءۇش كەزەڭنەن تۇرادى. گازداندىرۋ قالا ەكولوگياسىن ايتارلىقتاي جاقسارتۋعا جانە جەكە سەكتور تۇرعىندارىنىڭ ءومىر ءسۇرۋ جاعدايىن جەڭىلدەتۋگە مۇمكىندىك بەرەدى.

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار